1 ଏନ୍‌ ଡିଙ୍ଗ୍‌କେ ଆଦମନେ ବଂସାବଲିନେ ଇତିଆସ୍‌ । ପର୍‌ମେସର୍‌ ମେଁନେ ରକମ୍‌ନେ ରେମୁଆଁକେ ତିଆର୍‌ ଡିଙ୍ଗ୍‌କେ । 2 ଙ୍ଗିର୍‌ବୁଏଃ ଆରି ସେଲାମ୍ବୁଏଃ ଆଃଡିଂଚେ ପର୍‌ମେସର୍‌ ଆମେଇଂକେ ଆଃରେକେ । ଆରି ମେଇଂ ତିଆର୍‌ ଡିଙ୍ଗ୍‌ନେ ଦିନା ଆମେଇଂକେ ଆସିର୍ବାଦ୍‌ ବିଃଚେ ଆଦମ ମ୍ନି ବିକେ । 3 ଆଦମ ସଏ ତିରିସ୍‌ ମୁଆଁ‌ ବଏସ୍‌ରେ ନିଜର୍‌ ରକମ୍‌ ଆରି ନିଜର୍‌ ମୁର୍ତିରେ ମୁଇଂ ଗଡ଼େଅ ଜନମ୍‌ ଆଡିଙ୍ଗ୍‌ଚେ ମେଁନେ ମ୍ନି ଶେଥ ବିକେ । 4 ଶେଥନେ ଜନମ୍‌ ଇଡ଼ିଙ୍ଗ୍‌ ଆଦମ ଆଟ୍‌ସ ମୁଆଁ‌ ମ୍ୱ୍ରକେ । ଆତେନ୍‌ ବେଲା ବାରି ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ଆଡିଙ୍ଗ୍‌କେ । 5 ଆଦମନେ ବଏସ୍‌ ସାପା ନଅଶହ ତିରିସ୍‌ ମୁଆଁ‌ ଲେଃଗେ; ତେନ୍‌ ଇଡ଼ିଙ୍ଗ୍ ମେଁ ଗୁଏଃକେ ।

6 ଶେଥ ଶହେ ମାଲ୍‌ ମୁଆଁ‌ ବଏସ୍‌ରେ ଇନୋଶକେ ଜନମ୍‌ ବିକେ । 7 ଇନୋଶନେ ଜନମ୍‌ ଇଡ଼ିଙ୍ଗ୍‌ ଶେଥ ଆଟ୍‌ସ ସାତ୍‌ ମୁଆଁ‌ ମ୍ୱ୍ରକେ ଆରି ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ବିକେ । 8 ଶେଥନେ ବଏସ୍‌ ସାପା ନଅଶହ ବାର ମୁଆଁ‌ ଡିଙ୍ଗ୍‌ଲେଃଗେ; ତେଲା ମେଁ ଗୁଏଃକେ ।

9 ଇନୋଶ ନବେ ମୁଆଁ‌ ବଏସ୍‌ରେ କୟିନାନକେ ଜନମ୍‌ ଆଡିଙ୍ଗ୍‌କେ; 10 ବାରି କୟିନାନନେ ଜନମ୍‌ ଇଡ଼ିଙ୍ଗ୍‌ ଇନୋଶ ଆଟ୍‌ସ ପନ୍ଦର ମୁଆଁ‌ ମ୍ୱ୍ରଚେ ଆରି ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ଆଡିଙ୍ଗ୍‌କେ । 11 ଇନୋଶନେ ବଏସ୍‌ ସାପା ନଅଶହ ମାଲ୍‌ ମୁଆଁ‌ ଲେଃଗେ; ଏନ୍‌ ଇଡ଼ିଙ୍ଗ୍‌ ମେଁ ଗୁଏଃକେ ।

12 କୟିନାନ ସତୁରି ମୁଆଁ‌ ବଏସ୍‌ରେ ମହଲଲେଲକେ ଜନମ୍‌ ଆଡିଙ୍ଗ୍‌କେ । 13 ମହଲଲେଲ ଜନମ୍‌ ଡିଙ୍ଗ୍‌କ୍ନେ ଇଡ଼ିଙ୍ଗ୍‌ ମେଁ ଆଟସ ଚାଲିସ୍‌ ମୁଆଁ‌ ମ୍ୱ୍ରଚେ ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ଆଡିଙ୍ଗ୍‌କେ; 14 ଆରି କୟିନାନନେ ବଏସ୍‌ ସାପା ନଅଶହ ଗୁଆ ମୁଆଁ‌ ଲେଃଗେ; ତେଲା ମେଁ ଗୁଏଃକେ ।

15 ମହଲଲେଲ ପଞ୍ଚସଟି ମୁଆଁ‌ ବଏସ୍‌ରେ ଯେରଦକେ ଜନମ୍‌ ଆଡିଙ୍ଗ୍‌କେ; 16 ଯେରଦ ଜନମ୍‌ ଡିଙ୍ଗ୍‌କ୍ନେ ଇଡ଼ିଙ୍ଗ୍‌ ମହଲଲେଲ ଆଟ୍‌ସ ତିରିସ୍‌ ମୁଆଁ‌ ମ୍ୱ୍ରଚେ ବାରି ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ଆଡିଙ୍ଗ୍‌କେ; 17 ମହଲଲେଲନେ ବଏସ୍‌ ସାପାବାନ୍‌ ଆଟ୍‌ସ ପଞ୍ଚାନବେ ମୁଆଁ‌ ଲେଃଗେ; ଇଡ଼ିଙ୍ଗ୍‌ ମେଁ ଗୁଏଃକେ ।

18 ଯେରଦ ଶହେ ବାସଟି ମୁଆଁ‌ ବଏସ୍‌ରେ ହନୋକକେ ଜନମ୍‌ ଆଡିଙ୍ଗ୍‌କେ; 19 ହନୋକନେ ଜନମ୍‌ ଇଡ଼ିଙ୍ଗ୍‌ ମେଁ ଆଟ୍‌ସ ମୁଆଁ‌ ମ୍ୱ୍ରଚେ ବାରି ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ଆଡିଙ୍ଗ୍‌କେ; 20 ଯେରଦନେ ବଏସ୍‌ ସାପାବାନ୍‌ ନଅଶହ ବାସଟି ମୁଆଁ‌ ଲେଃଗେ; ତେଲା ମେଁ ଗୁଏଃକେ ।

21 ହନୋକ ପଞ୍ଚସଟି ମୁଆଁ‌ ବଏସ୍‌ରେ ମଥୂଶେଲହକେ ଜନମ୍‌ ବିକେ; 22 ମଥୂଶେଲହନେ ଜନମ୍‌ ଇଡ଼ିଙ୍ଗ୍‌ ହନୋକ ଞ୍ଜିଶହ ମୁଆଁ‌ ଜାକ ପର୍‌ମେସର୍‌ନେ ଏତେ ଅଲେଙ୍ଗ୍‌ଡାଲ୍ୟାକେ, ବାରି ମେଁ ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ଆଡିଙ୍ଗ୍‌କେ; 23 ହନୋକନେ ବଏସ୍‌ ସାପା ଞ୍ଜିସ ପଞ୍ଚସଟି ମୁଆଁ‌ ଲେଃଗେ; 24 ହନୋକ ପର୍‌ମେସର୍‌ ଏତେ ଅଲେଙ୍ଗ୍‌କେ; ଆରି ମେଁ ମାୟାଁ ୱେକେ; ମେଃଡାଗ୍‌ଲା ପର୍‌ମେସର୍‌ ଆମେକେ ଗ୍ରହନ୍‌ ଡିଙ୍ଗ୍‌କେ ।

25 ମଥୂଶେଲହ ସଏ ସତାଅସି ମୁଆଁ‌ ବଏସ୍‌ରେ ଲେମକକେ ଜନମ୍‌ ବିକେ; 26 ଲେମକନେ ଜନମ୍‌ ଇଡ଼ିଙ୍ଗ୍‌ ମଥୂଶେଲହ ସାତ୍‌ସ ବୟାଅସି ମୁଆଁ‌ ମ୍ୱ୍ରଚେ ଆରି ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ବିକେ; 27 ମଥୂଶେଲହନେ ବଏସ୍‌ ସାପା ନଅଶହ ଅନସ୍‌ତୁରି ମୁଆଁ‌ ଲେଃଗେ; ଇଡ଼ିଙ୍ଗ୍‌ ମେଁ ଗୁଏଃକେ ।

28 ଲେମକ ସଏ ବୟାଅସି ମୁଆଁ‌ ବଏସ୍‌ରେ ମୁଇଂ ଗଡ଼େଅ ଜନମ୍‌ ଆଃଡିଂକେ, 29 ଆରି ମେଁନେ ମ୍ନି ନୋହ ବିକେ । ମେଃଡାଗ୍‌ଲା ମେଁ ବାସଙ୍ଗ୍‌କେ, ପର୍‌ମେସର୍‌ନେ ବାନ୍‌ ଅବିସାପ୍‌ ବାଲେକ୍ନେ ତୁବନ୍ୟା ନେନେ ଜାବର୍‌ କସ୍ଟକେ ଆରି ନ୍ତିନେ କସ୍ଟ ବିସଏରେ କ୍ମେ ନେଇଂନେ ସାନ୍ତି ଜନମ୍‌ ଆଃଡିଂଏ । 30 ନୋହନେ ଜନମ୍‌ ଇଡ଼ିଙ୍ଗ୍‌ ଲେମକ ମାଲ୍‌ସ ପଞ୍ଚାନବେ ମୁଆଁ‌ ମ୍ୱ୍ରଚେ ଆରି ଙ୍ଗିର୍‌ବଃଅ ସେଲାମ୍ବଃଅଇଂକେ ଜନମ୍‌ ବିକେ; 31 ଲେମକନେ ବଏସ୍‌ ସାପା ସାତ୍‌ସ ସତସ୍ତରି ମୁଆଁ‌ ଲେଃଗେ; ଇଡ଼ିଙ୍ଗ୍‌ ମେଁ ଗୁଏଃକେ ।

32 ଆରି ନୋହକେ ମାଲ୍‌ସ ବୟସ୍‌ ଡିଙ୍ଗ୍‌କେ; ଆରି ନୋହ, ଶେମ ଆରି ହାମ ଆରି ଯେଫତ୍‌କେ ଜନମ୍‌ ବିକେ ।