ଆଦି 36

ଏଷୌନେ କୁଲ୍‌ ବଁସ୍‌

1 ଏଷୌନେ ବଂସ । ମେଁନେ ବିନ୍‌ ମ୍ନି ଇଦୋମ୍‌ । 2 ଏଷୌ କିଣାନୀୟଇଂନେ ମ୍ୱାକ୍ଲିଗ୍‌ ସେଲାକେ ବିବା ଡିଙ୍ଗ୍‌ଲେଃଗେ । ମେଇଂ ଡିଙ୍ଗ୍ଆର୍‌ଡିଂକେ ହିତ୍ତୀୟ ଏଲୋନନେ ସେଲା ଆଦାକେ ବାରି ଅନାନେ ସେଲା ହିବ୍ବୀୟ ସିବୀୟୋନନେ ଜିଆରି ଅହଲୀବାମାକେ, 3 ନବାୟୋତନେ ତନାଣ୍ଡେ, ଇଶ୍ମାୟେଲନେ ସେଲା ବାସମତକେ ବିବା ଡିଙ୍ଗ୍‌ ଲେଃଗେ । 4 ଆରି ଏଷୌନେ ଗର୍ବେ ଆଦା ଇଲୀଫସକେ ବାରି ବାସମତ୍‌ ରୁୟେଲକେ ଜନମ୍‌ ବିଃକେ । 5 ଅହଲୀବାମାନେ ଞ୍ଜିକ୍ଲିଗ୍‌ ଉଂଡେ ଲେଆର୍‌ଗେ । ମେଇଂ ଡିଙ୍ଗ୍ଆର୍କେ, ଯିୟୂଶ, ଯାଲମ ବାରି କୋରହ । କ୍ମେଇଂ ସାପାରେ କିଣାନ ଦେସ୍‌ନ୍ୟା ଜନମ୍‌ ଡିଙ୍ଗ୍ଆର୍କେ ।

6 ଏଷୌ ମେଁନେ ସେଲାମ୍ବୁଏଃଇଂକେ, ଗଡ଼େଇଂକେ, ସେଲାମ୍ବଃଅଇଂକେ, ସାପା ଚାକର୍‌ ଚାକର୍‌ବୁଏଃଇଂକେ, ଅରେଃ ବାରି ସାପା ପସୁଇଂକେ ବାରି ମେଁନେ ଦନ୍‌ ସମ୍ପତି ସାଚେ ସେୟୀର କଣ୍ଡାଅରିଆ ବାସାକେ । 7 ଯାକୁବ ବାରି ଏଷୌନେ ପରିବାର୍ ଜାବର୍‌ ମ୍ନା ୱେଲା ମେଇଂ କିଣାନନ୍ୟା ବାସା ଆୟାଆର୍‌କେ ଣ୍ଡୁ । ତେସା ଏଷୌ ଯାକୁବ ବାନ୍‌ ସ୍ଲ ଲାଗ୍‌ଡକେ । 8 ଦେକ୍‌ ରକମ୍‌ ଏଷୌ ସେୟୀର କଣ୍ଡାନ୍ୟା ବାସାକେ; ଆତେନ୍‌ ଏଷୌନେ ବିନ୍‌ ମ୍ନି ଇଦୋମ୍‌ ।

9 ବାରି ସେୟୀର କଣ୍ଡାନେ ଇଦୋମୀୟଇଂନେ ନ୍ତାଞ୍ଜାଃ ଏଷୌନେ ବଁସ୍‌ । 10 ଏଷୌନେ ଆଦା ମ୍ନିକ୍ନେ ସେଲାମ୍ବୁଏଃନେ ଉଂଡେ ଇଲୀଫସ୍‌ ବାରି ବାସମତ୍‌ ମ୍ନିକ୍ନେ ସେଲାମ୍ବୁଏଃନେ ଉଂଡେ ରୁୟେଲ । 11 ଇଲୀଫସ୍‌ନେ ମାଲିକ୍ଲିଗ୍‌ ଉଂଡେ ଲେଃଗେ, ତୈମନ୍‌, ଓମାର୍‌, ସଫୋ, ଗୟିତମ୍‌ ବାରି କନସ୍‌ । 12 ଏଷୌନେ ଉଂଡେ ଇଲୀଫସ୍‌ନେ ତିମ୍ନା ମ୍ନିକ୍ନେ ମୁଇଂ ଡାଆଁ ସେଲାମ୍ବୁଏଃ ଲେଃଗେ । ମେଁ ଇଲୀଫସ୍‌ନେ ଅମାଲେକକେ ଜନମ୍‌ ଆଡିଙ୍ଗ୍‌କେ । କ୍ମେଇଂ ଏଷୌନେ କୁନୁଏଡ଼େ ଆଦାନେ ଉଂଡେ । 13 କ୍ମେଇଂ ରୁୟେଲନେ ଉଂଡେ ଲେଃଗେ, ନହତ, ସେରହ, ଶମ୍ମ ବାରି ମିସା । କ୍ମେଇଂ ଏଷୌନେ ସେଲାମ୍ବୁଏଃ ବାସମତ୍‌ନେ ଉଂଡେ ।

14 ବାରି ସିବୀୟୋନନେ ସେଲାମ୍ବଃଅ ଅନାନେ ସେଲା ଜେ ଅହଲୀବାମା, ଏଷୌନେ ସେଲାମ୍ବୁଏଃ ଲେଃଗେ । ମେଁନେ ଉଂଡେ ଯିୟୂଶ, ଯାଲମ ଆରି କୋରହ ।

15 ଏଷୌନେ ଗଡ଼େଇଂନେ ଇଃସାଙ୍ଗ୍‌ । ଏଷୌନେ ମ୍ନା ଉଂଡେ ଜାଣ୍ଡେ ଇଲୀଫସ୍‌, ମେଁନେ ଉଂଡେ ଇଃସାଙ୍ଗ୍‌ ଆରି ତୈମନ୍‌ ଇଃସାଙ୍ଗ୍‌ ଆରି ଓମାର୍‌ ଇଃସାଙ୍ଗ୍‌ ଆରି ଇଃସାଙ୍ଗ୍‌ ସଫୋ ଆରି ଇଃସାଙ୍ଗ୍ କନସ୍‌ । 16 ଇଃସାଙ୍ଗ୍‌ କୋରହ ଆରି ଇଃସାଙ୍ଗ୍‌ ଗୟିତମ୍‌ ଆରି ଇଃସାଙ୍ଗ୍‌ ଅମାଲେକ । ଇଦୋମ ଦେସ୍‌ନେ ଇଲୀଫସ୍‌ ବଂସନେ ଏନ୍‌ ଇଃସାଙ୍ଗ୍‌ ଆଦାନେ ଉଂଣ୍ଡେଇଂ ଲେଃଆର୍‌ଗେ ।

17 ଏଷୌନେ ଉଂଡେ ରୁୟେଲନେ ଉଂଡେ ଇଃସାଙ୍ଗ୍ ନହତ, ଇଃସାଙ୍ଗ୍‌ ସେରହ, ଇଃସାଙ୍ଗ୍‌ ଶମ୍ମ, ଇଃସାଙ୍ଗ୍‌ ମିସା । ଇଦୋମ ଦେସ୍‌ନେ ରୁୟେଲ ବଂସକୁଲ୍‌ନେ ଏନ୍‌ ଇଃସାଙ୍ଗ୍‌ଇଂ ଏଷୌନେ ସେଲାମ୍ବୁଏଃ ବାସମତ୍‌ନେ ଉଂଡେ ଲେଃଆର୍‌ଗେ ।

18 ବାରି ଏଷୌନେ ସେଲାମ୍ବୁଏଃ ଅହଲୀବାମାନେ ଉଂଡେ ଇଃସାଙ୍ଗ୍‌ ଯିୟୂଶ, ଇଃସାଙ୍ଗ୍‌ ଯାଲମ, ଇଃସାଙ୍ଗ୍‌ କୋରହ । ଅନାନେ ସେଲା ଜାଣ୍ଡେ ଅହଲୀବାମା, ଏଷୌନେ ସେଲାମ୍ବୁଏଃ ଲେଃଗେ, କ୍ମେଇଂ ମେଁନେ ଉଂଡେ । 19 କ୍ମେଇଂ ଏଷୌନେ, ଅର୍‌ତାତ୍‌, ଇଦୋମନେ ଉଂଡେ ବାରି କ୍ମେଇଂ ମେଇଂନେ ଇଃସାଙ୍ଗ୍‌ ।

ସେୟୀରନେ କୁଟୁମ୍‌

20 ସେୟୀର ମୁଇଂଜା ହୋରୀୟ ଇଦୋମ ଦେସ୍‌ନ୍ୟା ବାସା ଲେଃଗେ । ଏଷୌ ସେନୁଗ୍ ଆତେନ୍‌ ସେୟୀର ଉଂଣ୍ଡେଇଂ ଡିଙ୍ଗ୍‌ଡିଂକେ, ଲୋଟନ୍‌, ଶୋବଲ୍‌, ସିବୀୟୋନ ବାରି ଅନା 21 ବାରି ଦିଶୋନ, ଏସର୍‌ ବାରି ଦୀଶନ୍‌, ସେୟୀରନେ ଏନ୍‌ ଉଂଣ୍ଡେଇଂ ଇଦୋମ ଦେସ୍‌ନେ ହୋରୀୟ ବଂସନେ ଇଃସାଙ୍ଗ୍‌ ଲେଃଆର୍‌ଗେ ।

22 ଲୋଟନ୍‌ନେ ଉଂଡେ ହୋରି ବାରି ହେମମ୍‌, ବାରି ତିମ୍ନା ମ୍ନିକ୍ନେ ତନା ଲେଃଗେ ।

23 ବାରି ଶୋବଲନେ ଉଂଡେ ଅବଲନ୍‌, ମାନହତ୍‌, ଏବଲ୍‌, ଶଫୋ ବାରି ଓନମ୍‌ ।

24 ସିବୀୟୋନନେ ମ୍ୱାକ୍ଲିଗ୍‌ ଉଂଡେ ଲେଃଗେ, ଅୟା ବାରି ଅନା । ଅଃନା ନିଜର୍‌ ଆବା ସିବୀୟୋନନେ ଗଦ ତୁର୍‌ତ୍ୟାନେ ବେଲା କଣ୍ଡାନ୍ୟା ଉସୁମ୍‌ ଣ୍ଡିଆଃ ଜାର୍‌ନେ ଜଲା ଆଃରେକେ । 25 ଅନାନେ ଉଂଡେ ଦିଶୋନ୍‌ ବାରି ଅହଲୀବାମା ମ୍ନିକ୍ନେ ମୁଇଂ ସେଲା ଲେଃଗେ । 26 ଦିଶୋନନେ ଅଁକ୍ଲିଗ୍‌ ଉଂଡେ ଲେଃଗେ, ମେଇଂ ଡିଙ୍ଗ୍‌ଆର୍‌ଡିଂକେ, ହିମ୍‌ଦନ୍‌, ଇଶବନ୍‌, ଯିତ୍ରନ୍‌ ବାରି କରାନ୍‌ ।

27 ଏସରନେ ଞ୍ଜିକ୍ଲିଗ୍‌ ଉଂଡେ ଲେଃଗେ, ମେଇଂ ଡିଙ୍ଗ୍‌ଆର୍‌ଡିଂକେ, ବିଲହନ୍‌, ସାବନ୍‌ ବାରି ଆକନ୍‌ ।

28 ଦୀଶନନେ ମ୍ୱାକ୍ଲିଗ୍‌ ଉଂଡେ ଲେଃଗେ, ମେଇଂ ଡିଙ୍ଗ୍‌ଆର୍‌ଡିଂକେ, ଊଷ ବାରି ଅରାନ୍‌ ।

29 ହୋରୀୟ ବଂସନେ ରାଜାଇଂ, ଲୋଟନ୍‌, ଶୋବଲ, ସିବୀୟୋନ ବାରି ଅନା । 30 ଦିଶୋନ, ଏସର୍‌ ବାରି ଦୀଶନ୍‌, କ୍ମେଇଂ ଲେଃଆର୍‌ଗେ । ଆକ୍ମେଇଂ ସେୟୀର ଦେସ୍‌ନେ ହୋରୀୟ ବଂସନେ ଇଃସାଙ୍ଗ୍‌ ଲେଃଗେ ।

ଇଦୋମ୍‌ନେ ଇଃସାଙ୍ଗ୍‌ଇଂ

31 ଇସ୍ରାଏଲ୍‌ନେ ଗଡ଼େଇଂ ଆଡ଼ାତ୍ରା ଜାଣ୍ଡେ ଡିଗ୍‌ ଇଃସାଙ୍ଗ୍‌ ସାସନ୍‌ ଡିଙ୍ଗ୍‌ନେ ସେନୁଗ୍‌, ଆତେନ୍‌ ବେଲା ଇଦୋମନ୍ୟା ଇଃସାଙ୍ଗ୍‌ଇଂ ଲେଃଆର୍‌ଗେ । 32 ବିୟୋରନେ ବେଲା ମ୍ନିକ୍ନେ ଉଂଡେ ଇଦୋମ ଦେସ୍‌ନ୍ୟା ସାସନ୍‌ ଡିଙ୍ଗ୍‌ଆର୍କେ । ମେଁନେ ସହର୍‌ନେ ମ୍ନି ଲେଃଗେ ଦିନ୍‌-ହାବା । 33 ବେଲା ଗୁଏକ୍ନେ ଇଡ଼ିଂ, ମେଁନେ ପଦ୍‌ଅରିଆ ବସ୍ରା‍ଅରିଆ ବାସାଡିଂକ୍ନେ ସେରହନେ ଉଙ୍ଗ୍‌ଡେ ଯୋବବ୍‌ ସାସନ୍‌ ଡିଂକେ । 34 ଉଡ଼ିବେଲା ଯୋବବ୍‌ନେ ଗୁଏକ୍ନେ ଇଡ଼ିଂ ତୈମନ ଦେସ୍‌ନେ ହୂଶମ୍‌ ମେଁ ଜାଗାନ୍ୟା ସାସନ୍‌ ଡିଙ୍ଗ୍‌କେ । 35 ହୂଶମ ଗୁଏକ୍ନେ ଇଡ଼ିଙ୍ଗ୍‌, ବଦଦନେ ଉଂଡେ ଜା ହଦଦ୍‌ ମୋୟାବ ମିଦିୟନକେ ଜିତେ ଲେଃଗେ, ମେଁ ମେଁନେ ଜାଗାନ୍ୟା ସାସନ୍‌ ଡିଙ୍ଗ୍‌କେ । ମେଁନେ ସହର୍‌ନେ ମ୍ନି ଅବୀତ୍‌ । 36 ହଦଦ ଗୁଏକ୍ନେ ଇଡ଼ିଙ୍ଗ୍‌ ମସ୍ରେକା ବାସାଣ୍ଡ୍ରେ ସମ୍ଳ ମେଁନେ ପଦ୍‌ଅରିଆ ସାସନ୍ ଡିଙ୍ଗ୍‌କେ । 37 ସମ୍ଳ ଗୁଏକ୍ନେ ଇଡ଼ିଙ୍ଗ୍‌ ଫରାତ୍‌ ଲଣ୍ଡିଆ ଡାଗ୍ରାନେ ରହୋବତ୍‌ ବାସାକ୍ନେ ଶୌଲ ମେଁନେ ପଦ୍‌ଅରିଆ ସାସନ୍‌ ଡିଙ୍ଗ୍‌କେ । 38 ଶୌଲ ଗୁଏକ୍ନେ ଇଡ଼ିଙ୍ଗ୍‌ ଆକ୍‌ବୋରନେ ଉଂଡେ ବାଲ୍‌ହାନନ୍‌ ମେଁନେ ପଦ୍‌ଅରିଆ ସାସନ୍‌ ଡିଙ୍ଗ୍‌କେ । 39 ଏନ୍‌ଇଡ଼ିଙ୍ଗ୍‌ ଆକ୍‌ବୋରନେ ଉଂଡେ ବାଲ୍‌ହାନନ୍‌ ଗୁଏକ୍ନେ ଇଡ଼ିଙ୍ଗ୍‌ ହଦର ମେଁନେ ପଦ୍‌ଅରିଆ ସାସନ୍‌ ଡିଙ୍ଗ୍‌କେ । ମେଁନେ ସହର୍‌ନେ ମ୍ନି ପାଉ ବାରି ମେଁନେ ସେଲାମ୍ବୁଏଃନେ ମ୍ନି ମହେଟବେଲ୍‌ ଲେଃଗେ । ମେଁ ଲେଃଗେ ମଟ୍ରେଦନେ ସେଲାମ୍ବୁଏଃଉଂ ବାରି ମେଷାହବନେ ସେଲାମ୍ବୁଏଃଉଂ ।

40 ଏଷୌ ବାନ୍‌ ତିଆର୍‌ ଡିଙ୍ଗ୍‌କ୍ନେ ବଂସ, ଜାଗା ବାରି ମ୍ନି ବେଦ୍‌ବାବ୍‌ ଅନୁସାରେ ମୁଡ଼ି ରାଜାଇଂ ଲେଃଗେ, ମେଇଂ ଡିଙ୍ଗ୍‌ଆର୍‌ଡିଂକେ । ଇଃସାଙ୍ଗ୍‌ ତିମ୍ନା, ଇଃସାଙ୍ଗ୍‌ ଅଳ୍‌ବା, ଇଃସାଙ୍ଗ୍‌ ଯିଥେତ୍‌ । 41 ଇଃସାଙ୍ଗ୍‌ ଅହଲୀବାମା, ଇଃସାଙ୍ଗ୍‌ ଏଲା, ଇଃସାଙ୍ଗ୍‌ ପୀନୋନ୍‌, 42 ଇଃସାଙ୍ଗ୍‌ କନସ୍‌, ଇଃସାଙ୍ଗ୍‌ ତୈମନ୍‌ ବାରି ଇଃସାଙ୍ଗ୍‌ ମିବ୍‌ସର୍‌, 43 ଇଃସାଙ୍ଗ୍‌ ମଗ୍‌ଦୀୟେଲ୍‌, ବାରି ଇଃସାଙ୍ଗ୍‌ ଇରମ୍‌ । କ୍ମେଇଂ ନିଜର୍‌ ନିଜର୍‌ ଅଦିକାର୍‌ ଡିଂକ୍ନେ ଦେସ୍‌ନ୍ୟା ବାସା ଲେଃକ୍ନେ ଜାଗା ଅନୁସାରେ ଇଦୋମନେ ଇଃସାଙ୍ଗ୍‌ ଲେଃଆର୍‌ଗେ । ଇଦୋମୀୟଇଂନେ ନ୍ତା ଞ୍ଜା ଏଷୌନେ ସାମୁଆଁ ଡାଗେ ।