1 ନୋହନେ ଉଂଣ୍ଡେଇଂ ଲେଃଆର୍‌ଗେ, ଶେମ, ହାମ ବାରି ଯେଫତ୍‌ । ବନ୍ୟା ଇଡ଼ିଙ୍ଗ୍‌ ଏନ୍‌ ସାପା ମେଇଂନେ ଗଗିସିଆ ଜନମ୍‌ ଡିଙ୍ଗ୍‌କେ ।

2 ଯେଫତ୍‌ନେ ଉଂଣ୍ଡେଇଂ ଡିଙ୍ଗ୍‌ଡିଂକେ । ଗୋମର, ମାଗୋଗ୍‌, ମାଦେୟ, ତୁବଳ, ଯବନ, ମେଶକ ବାରି ତିରସ । 3 ଅସ୍କନସ୍‌, ରୀଫତ୍‌ ଆରି ତୋର୍ଗମ, କ୍ମେଇଂ ଗୋମରନେ ଉଂଡେ । 4 ବାରି ଇଲୀଶା, ତର୍ଶୀଶ, କିତ୍ତୀମ ବାରି ଦୋଦାନୀମ କ୍ମେଇଂ ଯବନନେ ଉଂଡେ । 5 କ୍ମେଇଂନେ ବାନ୍‌ ବିନ୍‌ନେ ଦେସ୍‌ଇଂନେ ଦିପ୍‌ନ୍ୟା ବାସାଲେଃକ୍ନେ ରେମୁଆଁ ନିଜର୍‌ ନ୍‌ସା ଦେସ୍‌ ବିଦେସ୍‌ନ୍ୟା ନିଜର୍‌ ବ୍ନାସା ଆନୁସାରେ ବାଗ୍‌ ଡିଙ୍ଗ୍‌ଚେ ନିଜର୍‌ ନିଜର୍‌ ବଂସ ବାରି କୁଲ୍‌ ଅନୁସାରେ ବାଗ୍‌ ଡିଙ୍ଗ୍‌ଆର୍କେ ।

6 କୂଶ, ମିସର୍‌, ପୁଟ୍‌ ବାରି କିଣାନ କ୍ମେଇଂ ହାମନେ ଉଂଡେ । 7 ସବା, ହବୀଲା, ସପ୍ତା, ରୟମା ବାରି ସପ୍ତକା କ୍ମେଇଂ କୂଶନେ ଉଂଡେ । ଶିବା ବାରି ଦଦାନ, କ୍ମେଇଂ ରୟମାନେ ଉଂଡେ । 8 ନିମ୍ରୋଦ୍‌ କୂଶନେ ଉଂଡେ, ମେଁ ମଚ୍‌ପୁର୍‌ନ୍ୟା ସାପାବାନ୍‌ ବପୁ ଡିଂନେ ଲାଗେକେ । 9 ମେଁ ମାପ୍‌ରୁନେ ସାମ୍‌ନେ ସିକାର୍‌ଅରିଆ ବପୁ ଡିଙ୍ଗ୍‌କେ । ତେସା ରେମୁଆଁଇଂ ଏଃ ଜାକ ଏନ୍‌ ଉସ୍ରା ବାସଙ୍ଗ୍‌ମ୍ୟାଃଆର୍‌କେ, ଇସ୍‌ପର୍‌ ଆପେକେ ନିମ୍ରୋଦ୍‌ ରକମ୍‌ ମ୍ନାଃ ସିକାରି ରକମ୍‌ ଆଃଡିଂଲେ । 10 ଶିନୀୟର ଦେସ୍‌ନ୍ୟା ବାବିଲ୍, ଏରକ, ଅକ୍‌କଦ୍‌ ବାରି କଲନୀ, ଏନ୍‌ସାପା ଇନି ମେଁନେ ପର୍‌ତୁମ୍‌ ରାଇଜ୍‌ ଡିଙ୍ଗ୍‌କେ । 11 ଆତେନ୍‌ ଦେସ୍‌ବାନ୍‌ ଅଶୂର ତାର୍‌ଚେ ନୀନିବୀ, ରହୋବୋତ୍‌, ପୁରି ବାରି କେଲହ, 12 ବାରି ନୀନିବୀ ବାରି କେଲହନେ ମଜେ ଲେଃକ୍ନେ ରେଷନ ଇନି ତିଆର୍‌ ଡିଙ୍ଗ୍‌ଆର୍କେ । ରେଷନ୍‌ ମୁଇଂ ମ୍ନା ଇନି ଲେଃଗେ ।

13 ବାରି ଲୁଦୀୟ, ଅନାମୀୟ, ଲହାବୀୟ ବାରି ନପ୍ତୁହୀୟ, 14 ପଥ୍ରୋଷୀୟ ଆରି ପଲେଷ୍ଟୀୟଇଂନେ ଆଦିଆବା କସଲୁହୀୟ ଆରି କପ୍ତୋରୀୟ, ଆକ୍ମେଇଂ ମିସରନେ ଗଡ଼େଇଂ ଲେଃଆର୍‌ଗେ ।

15 ବାରି କିଣାନନେ ମ୍ନା ଉଂଡେ ସୀଦୋନ, ଜାକି ଆତେନ୍‌ ଇଡ଼ିଂ ହେତ୍‌ 16 କିଣାନ ଡିଗ୍‌ ଯିବୂଷୀୟ, ଇମୋରୀୟ ବାରି ଗିର୍ଗାଶୀୟ, 17 ହିବ୍ବୀୟ, ଅର୍କୀୟ ଆରି ସୀନିୟ, 18 ଅର୍ବଦୀୟ, ସାମରୀୟ ଆରି ହମାତିୟ, ଦେକ୍‌ ରକମ୍‌ କିଣାନ୍‌ଣ୍ଡ୍ରେଇଂନେ ବଂସ ମ୍ନା ୱେକେ । 19 ତେଲା ସୀଦୋନବାନ୍‌ ଗରାନେ ଦିଗ୍‌କେ ଘସା ଜାକ, ବାରି ସଦୋମ ଆରି ହମୋରା ଆରି ଅଦ୍ମା, ସବୋୟୀମ ଦିଗ୍‌ଅରିଆ ଲେଶା ଜାକ କିଣାନଣ୍ଡ୍ରେଇଂନେ ବାସାନେ ଏରିୟା ଲେଃଗେ । 20 ନିଜର୍‌ ନିଜର୍‌ ଦେସ୍‌ ବାରି କୁଟୁମ୍‌ନ୍ୟା ମେଇଂନେ ବଂସ ବାରି ବ୍ନାସା ଅନୁସାରେ ଏନ୍‌ ସାପା ହାମନେ ଉଂଡେ ।

21 ଯେଫତ୍‌ନେ ମ୍ନା ବୟାଁ ଶେମନେ ଡିଗ୍‌ ଗଗିସିଆ ଲେଃଗେ, ଡାଗ୍‌ଲା, ମେଁ ଏବରନେ ଉଙ୍ଗ୍‌ଡେଇଂନେ ଅସେନେ ରେମୁଆଁ ଲେଃଗେ । 22 ଶେମନେ ଏନ୍‌ ସାପା ଉଂଡେ, ଏଲମ୍‌ ବାରି ଅଶୂର ବାରି ଅର୍ଫକ୍ଷଦ ବାରି ଲୂଦ‌ ବାରି ଅରାମ୍‌ । 23 ଅରାମନେ ଉଙ୍ଗ୍‌ଡେଇଂ ଏନ୍‌ ଊଷ ଆରି ହୂଲ, ଗେଥର ଆରି ମଶ୍‌ । 24 ବାରି ଅର୍ଫକ୍ଷଦନେ ଉଂଡେ ଶେଲହ ଆରି ଶେଲହନେ ଉଂଡେ ଏବର । 25 ଏବରନେ ମ୍ୱାକ୍ଲିଗ୍‌ ଉଂଡେ ଲେଃଆର୍‌ଗେ, ମୁଇଂଜାନେ ମ୍ନି ପେଲଗ, ଡାଗ୍ଲା ଆତେନ୍‌ ବେଲା ମଚ୍‌ପୁର୍‌ ବାଗ୍‌ ଡିଙ୍ଗ୍‌କେ, ମେଁନେ ବୟାଁନେ ମ୍ନି ଯକ୍ତନ୍‌ । 26 ବାରି ଯକ୍ତନନେ ଉଂଡେ ଅଲମୋଦଦ, ବାରି ଶେଲପ୍‌ ହିତ୍ସର୍ମାବତ ବାରି ଯେରହ, 27 ହଦୋରାମ ବାରି ଊଷଲ ବାରି ଦିକ୍ଳ, 28 ବାରି ଓବଲ ବାରି ଅବୀମାୟେଲ ବାରି ଶିବା, 29 ଓଫୀର, ହବୀଲା, ବାରି ଯୋବବ୍‌, ଆକେନ୍‌ ସାପା ଯକ୍ତନନେ ଉଂଡେ । 30 ମେଷା ବାକି ପୁର୍ବ ଦିଗ୍‌ନେ ସଫାନେ କଣ୍ଡା ଜାକ ମେଇଂନେ ଜାଗା ଲେଃଗେ । 31 ନିଜର୍‌ ଦେସ୍‌ନ୍ୟା ମେଇଂନେ ବଁସ୍‌ ବାରି ବ୍ନାଲିର୍‌ ବାରି କୁଲ୍‌ ଅନୁସାରେ ଏନ୍‌ ସାପା ଶେମନେ ଉଂଡେ ।

32 ନିଜର୍‌ ନିଜର୍‌ କୁଲ୍‌ନ୍ୟା ମେଇଂନେ ବଁସ୍‌କୁଲ୍‌ ଅନୁସାରେ କ୍ମେଇଂ ନୋହନେ ଉଂଡେନେ ବଁସ୍‌ ଲେଃଆର୍‌ଗେ । ବାରି ବନ୍ୟା ଇଡ଼ିଙ୍ଗ୍‌ କ୍ମେଇଂନେବାନ୍‌ ତାର୍‌କ୍ନେ ଗୁଲୁଏ କୁଟୁମ୍‌ ମଚ୍‌ପୁର୍‌ନ୍ୟା ବାଗ୍‌ ଡିଂଆର୍କେ ।