2 Beeno mimvungi mi kamba di mameme di luheeni Nzambi, bakengeeno, ka bonso bantu ba bana kwikisa ko, kansi mu mutima wumbote, bonso bukwe tyanga Nzambi. Sadileeno bobo, ka mu sosa kimvwama ko, kansi mu vema di kusadila. 3 Ka lusosandi mu kwamisa yobobo ba baluheeni mu keba, kansi beeno kifwani kimbote ku kamba di mameme.
5 Bumosi mpe ku zintwenya, bangangeeno batumama ku bihunda. Bangangeeno bakuluka ha kati di zimpangi zeno, mu dyambu ti Masonama mana ta ti: «Nzambi kwe belanga banga mayama, kansi kwe yangalalanga bakwe kikululanga.» 7 Muyekodileeno manyongo meno mamvimba, mu dyambu ti yandi kwe lusadisanga.
10 Nzambi yikwe lulonkanga bumbote bwandi yilutumisa mu Yesu-Klisto ku nkembo andi wu mimvu ka mimvu. Ku manina bu lwa mana yena mpasi mu mwa ntangu yifyoti, waalulungisa yandi bende, waalusyamisa, waaluhaana ngolo, mpe waalutedimisa ha lufulu lu nakekete.