15 Kansi mu zonza kikedika mu luzolo, twaakula mu misamu mimvimba myaatunata ku Klisto, wuu mutu.
22 Buna lufweti katuka mu kimuntu kyeno ki ntama, kii kwe fukusungu mu landa nsatu zi luvunu. 23 Bika Mpeve yilongo yi lukitula bamoona mu madyela meno, 24 mpe beeno bantu bamoona ba hiduku ku Nzambi mu lunungu na bulongo bu tukanga ku kikedika.
25 Ni hahoho, bikeno luvunu, mpe kadi muntu kata kikedika ku munandi, mu dyambu ti yeto bamvimba tudi binama bi nitu yimosi. 26 Tala ti lubeki mankesi, luholandi masumu ko, mpe bikeno mankesi meno tekila ntangu yidyama. 29 Luduukisandi kani dyambu dimosi dimbi mu minwa myeno ko. Kansi duukiseeno misamu mimbote na mii nkinzi myaasadisa baneeno bonso buu mbindumunu zawu na myaaheeka lusakumunu ku yobobo bana yuwa myo. 32 Beeno bantu bambote mpe bankenda yeno na yeno, lemvokileeno baneeno bonso Nzambi bu kalulemvokila mu Klisto.