25 Ni hahoho, bikeno luvunu, mpe kadi muntu kata kikedika ku munandi, mu dyambu ti yeto bamvimba tudi binama bi nitu yimosi. 26 Tala ti lubeki mankesi, luholandi masumu ko, mpe bikeno mankesi meno tekila ntangu yidyama. 27 Luhaanandi hwakisa ku nkadyampemba ko. 28 Mwivi wukwe yibanga ka biika mu bwesa yiba, kansi mu moko mandi, kasala kisalu kidedama mwanki kabaka bima bye sadisila yobobo baa mu mbindumunu. 29 Luduukisandi kani dyambu dimosi dimbi mu minwa myeno ko. Kansi duukiseeno misamu mimbote na mii nkinzi myaasadisa baneeno bonso buu mbindumunu zawu na myaaheeka lusakumunu ku yobobo bana yuwa myo. 30 Luyenisandi Mpeve Yilongo yi Nzambi kyadi ko, yi balutula bonso kinyemo, mu dyambu di kilumbu ki nkudulu. 31 Looseeno misamu mimvimba mindudi, mi mankesi, mi nganzi, kuzangula mbembo, mpe bituku. Katuleeno misamu mimvimba mi mbi ha kati dyeno. 32 Beeno bantu bambote mpe bankenda yeno na yeno, lemvokileeno baneeno bonso Nzambi bu kalulemvokila mu Klisto.