Ntontolo na mvibudulu
2 Mpangi zani, bongileeno ntontolo zi mumpila-mumpila zikwe lutudilanga bonso dyambu di kyese, 3 mpe luzebi ti, kiminu kikwe tontongo, kikwe haananga mvibudulu. 4 Kansi yeno yifweti ba yilunga mu mimvimba, mwanki luba bantu balunga mpe bafwana, na balembolo ba na dyambu dimbi.
Kuvibidila ntontolo
12 Kyese ku muntu wo kwe vibidilanga ntontolo, mu dyambu ti bu kameni vibidila zo, waatambula luzingu lu mimvu ka mumvu, lu siila Nzambi nsilulu ku yobobo bakwe mutyanga. 13 Ku nani muntu, bu kadi mutontolo, ka ta ti: «Nzambi wuna ntonta!» Mu dyambu ti mbi yilendi tonta Nzambi ko, mpe yandi bende katontanga muntu ko. 14 Kadi muntu kwe tontongo, mu dyambu di nzinunu zandi zikwe mu bendanga na zikwe mu natanga. 15 Mboki bu kameni landa nzinunu, zibutidi masumu, mpe masumu bu mayedidi, makwe natanga ku lufwa.