Ntontolo na mvibudulu
2 Mpangi zani, bongileeno ntontolo zi mumpila-mumpila zikwe lutudilanga bonso dyambu di kyese, 3 mpe luzebi ti, kiminu kikwe tontongo, kikwe haananga mvibudulu. 4 Kansi yeno yifweti ba yilunga mu mimvimba, mwanki luba bantu balunga mpe bafwana, na balembolo ba na dyambu dimbi.
22 Sadilangeeno Mambu ma Nzambi, kansi ka mu me yuwanga kaka ko. Mu dyambu ti lulenda kihuna yeno bende mu mbanzulu zimbi. 23 Mu dyambu ti muntu kwe yuwanga Mambu ma Nzambi, mpe kwe lembolo me sadilanga, fwanakani bonso muntu wuna tala kini kyandi mu kitala-tala bonso bu kidi. 24 Bu kameni kitala, wele kwandi, mboki zimbakani bonso bu kadi. 25 Kansi muntu kwe toma fyongoninanga musiku wulunga, wukwe haananga kimpwanza, mpe tatamani mu sadila wo, ka zimbakana misamu mi kayudi ko, kansi wuna sadila myo, muntu bewowo waaba mu kyese mu kisalu kyandi.