Ndwenga zi fumini ku yulu
13 Nani ha kati dyeno wuu na ndwenga na madyela e? Kalonka bo mu nkadulu andi yimbote, mu mavanga mandi mana sadulu mu lembami, na mu ndwenga. 14 Kansi tala ti mutima aku wufulukidi mu musoki wuhita na mu mpeve yi kimpala, kusandi mayama ko mu kilonka ti muntu wuu ndwenga na ku bebisandi kedika mu luvunu ko. 15 Ndwenga zibobo zikwe fumanga ku yulu ko, kansi zi ki nza, zi kimuntu, mpe zi nkadyampemba. 16 Mu dyambu ti huuma ha musoki na mpeve yi kimpala, mvwanzi na misamu mimvimba mimbi milendi kondo ko.