2 Yeto bamvimba tukwe sanga masumu. Tala ti muntu kasumukanga mu nzonzolo ko, buna yandi wulunga kadi, na lenda yaala nitu andi yimvimba. 3 Bu tukwe tulanga mwa kisengo mu munwa wu zimpunda, mwanki ba tutumimina, tukwe twadisanga mpe nitu awu yimvimba. 4 Tubongeeno kifwani ki masuwa: nkatika mamanene madi mpe bitembo bingolo bikwe natanga mo, kansi mwa kima kifyoti kwandi kikwe twadisanga mo, na makwe tadisanga kuma ni kuma kutiidi kinati mu twadisa mo. 5 Bumosi mpe ludimi, mwa kinama kifyoti kinitu kidi, kansi lukwe kitumpidikanga mu misamu miminene. Taleeno bonso buu mwa tiya tufyoti, tukwe lenda mu yoka kibiti kikinene ki mukobo.
6 Ludimi mpe tiya tudi. Lwalolo mpe ludi kibuka ki misamu mimbi mu kati di nitu eto. Lukwe sumunanga nitu eto yimvimba, mpe lukwe yokanga luzingu lweto lumvimba, mboki lwabende lukwe hyanga ku tiya tu mbungulu. 8 Kansi kunaani muntu kwe lendanga mu yaala ludimi, mu dyambu ti kima kimbi kidi na ki bakwe lembolo simbanga, mpe luu lufuluka mu miswa mikwe hondanga. 9 Mu yandi tukwe sakumuninanga Nzambi, Tata eto. Mpe mu yandi tukwe singilanga bantu ba hidika Nzambi mu kifwani kyandi. 10 Mu munwa wumosi kwandi tukwe duukisilanga mpova zi lusakumunu na zinsingulu. Mpangi zani, ka bufweni ko ti bubela bobo.