Ndongosolo yi ludedomo
1 Kansi Ngeye, longa mambu ma fwanakani mu ndongosolo yikedika. 2 Teela binunu bi babakala biba na ludedomo, biba bantu babuzitu na mayindu mambote, mpe biba na kiminu kii nakekete, biba na luzolo mpe na mvibudulu. 3 Bumosi mpe ku binunu bi bakento, biba na nkadulu yikwe zitisanga Nzambi. Bibandi na matoola ko, mpe bibandi mindongo mi malamu ko. Kansi bifweti longa ndongosolo yimbote, 4 mwanki balonga zindumba: Mu tya babakala bawu na baala bawu, 5 baba na mayindu mambote na mavedila, batomisa nzo zawu, Baba bambote mpe batumimina babakala bawu. Mu bobobo, kunaani muntu waavweza mambu ma Nzambi.
6 Bumosi mpe, syamisa bantwenya baba na mayindu mambote. 7 Ngebende mu mimvimba, lonka kifwani mu ndyatulu aku yimbote. Mu ndongosolo aku, ba muntu wusungama mpe wubuzitu. 8 Mpova zaku zifweti ba zidedama na zilembolo ba na nsembolo. Mwanki mbeni zaku ziyena nsoni, mpe zilembolo baka mye tuteela.