ዎሳ ጎልያ ካለያዋንታ
1 ኦንነ ዎሳ ጎልያ ካለያዋ ግዳናዉ ኮዮፐ፥ ሎኦባ አሞቴዳ ግያ ሃሳያይ ቱማ። 2 ዎሳ ጎልያ ካለያ ኡራይ ቦርሰናዋ፥ እት ማቻት ጻላላይ ደእያዋ፥ ባረና ሞድያዋ፥ ባረና ናግያዋ፥ ባረዉ በስያዋ ኦያዋ፥ እማ ሞክያዋ፥ ታማርሳናዉ ዳንዳይያዋ፥3:2-7 ቲቶ 1:6-9 3 ማተናዋ፥ አሽከተፐ አትን ዋላቀተናዋ፥ ፓሉመተናዋ፥ ሻሉዋ ሲቀናዋ፥ 4 ናናይ አዉ አዛዘትያዋነ ቦንችያዋ፥ ቃይ ባረ ጎልያ አይሳናዉ ዳንዳይያዋ ግዳናዉ በሴ። 5 አያዉ ጎፐ፥ እት ኡራይ ባረ ጎልያ አይሳናዉ ዳንዳየናዋ ግዶፐ፥ ጾሳ አማንያዋንታ ዎት አይሳናዉ ዳንዳዪ?
6 ኦቶሩዋን ሱገቲድ፥ ጻላህያ ካፑ ጾሳ ፕርዳን ኩንዴዳዋዳን ኩንደና ማላ፥ ኦራ አማኔዳ አሳ ግዳናዉ በሰና። 7 ጻላህያ ካፑዋ ቦርያንነ ጲርያን ገለና ማላ፥ ሄ ኡራይ ዎሳ ጎልያፐ ካረና ደእያ አሳን ናሸትያዋ ግዳናዉ በሴ።