ጰጽሮስነ ዮሃንስ አይሁዳቱዋ ሻንጋቱዋ ስን ሺቄድኖ
1 ጰጽሮስነ ዮሃንስ አሳዉ ኦድሽን፥ ቄሳቱዋ ካፓቱ፥ ጌሻ ጎልያ ዎታዳራቱዋ አዛዝያዌነ ሳዱቃዋናቱ፥ 2 ኡንቱንቱ አሳ ታማርስያ ድራዉነ ሀራ አሳቱ ሀይቁዋፐ ደንዳናዎ ማርካ ግዳና ማላ፥ የሱስ ሀይቁዋፐ ደንዴዳዋ ኦዴዳ ድራዉ፥ ዳሪ ይሎቲደ፥ ኡንቱንቱኮ ዬድኖ። 3 ኡንቱንታ ኦይቂደ፥ ሳአይ ኦማርስድጎ ድራዉ ዎንታናዉ ቃሾ ጎለ ገልሴድኖ። 4 ሽን ቃላ ስሴዳዋንቱፐ ጮራቱ አማኔድኖ፤ አቱማ አሳ ፓይዱ እቼሹ ሻአ ኬና ግዴዳ።
5,6 ዎንተ ጋላስ፥ ኡንቱንታ ሞድያዋንቱ፥ አይሁዳ አሳ ጭማቱ፥ ሙሴ ህግያ ታማርስያዋንቱ፥ ቄሳቱዋ ኡባቱዋ ካፓቱ ሃን፥ ቃያፍ፥ ዮሃንስ እስክንድርነ ቄሳቱዋ ኡባቱዋ ካፓቱዋ ዳባቱ ኡባይ የሩሳላመን ሺቄድኖ። 7 የሱስ ኪቴዳዋንታ ባረንቱ ግዱዋን ኤሲደ፥ "አያ ዎልቃን ዎይ ኦ ሱንን ሀዋ ህንተንቱ ኦድቴ?" ያጊደ ኦቼድኖ።
8 ሄ ዎደ ጰጽሮስ ባረናን ጌሻ አያናይ ኩምና፥ ኡንቱንታ ሀዋዳን ያጌዳ፤ "አሳ ካለያዋንቶ፥ አይሁዳ አሳ ጭማቶ፥ 9 ሀቼ ሀ ሀርጋንቻ ብታንያዉ ኦሰቴዳ ሎኦ ኦሱዋባነ እ ዋን ፓጼደንቶ፥ ህንተንቱ ኑና ኦቾፐ፥ 10 ማስቃልያ ቦላ ምስማርያን ህንተንቱ ሺደ ካቂና፥ ጾሳይ ሀይቁዋፐ ደንዳ ናዝሬትያ የሱስ ክርስቶሳ ሱንን ሀ ብታኒ ፓጺደ፥ ህንተንቱ ስንን ኤቄዳዌ ህንተንቱ ኡባዉነ እስራኤልያ አሳ ኡባዉ ኤረቶ። 11 ጎልያ ኬጽያዋንቱ ህንተንቱ ካደ እጼዳ ቱሳይ ጎልያ ኡባ ቶክያ ኮሽያ ቱሳ ግዴዳ።4:11 ማዝ. 118:22 12 አሳይ አቶተ የሱሳ ባጋና ደማናፐ አትን፥ ሀራ ኦ ባጋናነ ደመና፤ ኑን አ ሱንን ኦናዉ በሴ፤ አያዉ ጎፐ፥ ጾሳይ ሳሉዋፐ ጋርሳን አሳዉ እሜዳ ሀራ ሱንይ ባዋ" ያጌዳ።
13 ሺቁዋ አሳይ ጰጽሮስነ ዮሃንስ ጻሌዳ ጻላ በኤዳ ዎደ፥ ኡንቱንቱ ታማርቤና ጮ አሳ ግዴዳዋ አኬኪደ ማላለቴድኖ፤ ኡንቱንቱ የሱሳና ደእያዋካ ኤሬድኖ። 14 ቃይ ፓጼዳ ብታኒ ጰጽሮሳናነ ዮሃንሳና ኤቄዳዋ አሳይ በኢደ፥ ግያዋ ዬድኖ። 15 ሽን ጰጽሮስነ ዮሃንስ ሺቁዋፐ ካረ ከሳና ማላ አሳይ አዛዚደ፥ ባረ ግዶን ዞረቲደ፥ 16 "ሀ አሳቱዋ አያ ኡዳኔ? አያዉ ጎፐ፥ ኡንቱንቱ ኩሽያን ኦሰቴዳ ዎልቃማ ማላታቱ የሩሳላመን ደእያ ኡባዉ ቤቴዳ። ኑን ሄዋ ኤሮኮ ጋናዉ ዳንዳዮኮ። 17 ሽን የዉ አሳዉ ላለተና ማላ፥ ሀዋፐ ስንዉ ሀ አሳቱ የሱሳ ሱን ኦስነ ኦደናዳን፥ ምንሲደ ኡንቱንታ፥ ‘ህንተና ኤርተ’ ጎይተ" ያጌድኖ።
18 ኡንቱንቱ ጼሲደ፥ የሱሳ ሱን ሙለካ ደንናዳንነ አባ ታማርሰናዳን አዛዜድኖ። 19 ሽን ጰጽሮስነ ዮሃንስ ዛሪደ፥ "ጾሳዉ ኤኖ ግያዋ አጊደ፥ ህንተንቶ ኤኖ ግያዌ ጾሳ ስንን ሎኤንቶነ አነ ህንተ ፕርድተ። 20 አያዉ ጎፐ፥ ኑን በኤዳባነ ስሴዳባ ኦደናን አጋናዉ ዳንዳዮኮ" ያጊደ ሺቄዳ አሳዉ ኦዴድኖ።
21 ሺቄዳ አሳይ ኡንቱንታ ሙራናዉ ጋሶትያባይ ይና፥ ላኤንዋ ዳርስ ፓሉመቲደ፥ ሀኔዳባዉ አሳይ ኡባይ ጾሳ ጋላትያ ድራዉ፥ ኡንቱንታ ብሊደ የዴድኖ። 22 ሄ ሀርግያፐ ፓያ ማላታቱ አዉ ኦሰቴዳ ብታኒ የለቶደፐ ላይይ አዉ ኦይታሙዋፐ አዳ።
የሱስ ኪቴዳዋንቱነ ሀራ አማንያ አሳቱ ማ ዎደ ዎሴዳ ዎሳ
23 ጰጽሮስነ ዮሃንስ ብለቲደ፥ ባረንቱ ዳባቱዋኮ ቢደ፥ ቄሳቱዋ ካፓቱነ አይሁዳ ጭማቱ ባረንታ ጌዳባ ኡባ ኡንቱንቶ ኦዴድኖ። 24 ኡንቱንቱ ሄዋ ስሴዳ ዎደ፥ እት ዎዛና ግዲደ፥ ጾሳ ሀዋዳን ያጊደ ዎሴድኖ፤ "ኡባ ሞድያ ጎዳዉ፥ ሳሉዋ፥ ሳኣ፥ አባነ ኡንቱንቱ ግዶን ደእያ ኡባባ መዳዎ፥4:24 ከሳ 20:21፤ ናህ. 9:6፤ ማዝ. 146:6 25 ኔን ነዉ ኦያ ኑ አዉዋ ዳዊተ ዶናን ጌሻ አያናን ሃሳያደ፥
" ‘አይሁዳ ግደና አሳይ አያዉ ይሎቴዴ?
ቃይ አሳይ አያዉ ዳንበናባዉ ማቀቴዴ?
26 ሳኣ ካታቱ ጊገቴድኖ፤
ጋድያ ሞድያዋንቱ ጎዳ ቦላንነ
እ ኦኬዳ ክርስቶሳ ቦላ እትፐ ደንዴድኖ’
ያጋደ ሃሳያዳ።4:26 2:1-2
27 "አያዉ ጎፐ፥ ሄሮድስነ ጰንጸናውያ ጵላጾስ አይሁዳ ግደና አሳናነ እስራኤልያ አሳና፥ ኔን ኦኬዳ ክርስቶሳ ነ ጌሻ ናኣ የሱሳ ቦላ ደንዳናዉ፥ ሀ ካታማን ሺቄዳዌ ቱማ። 28 ቃይ ኔን ነ ዎልቃንነ ነ ሸንያን ሀናና ጋደ ቆፓ ኡቴዳባ ኡባ ኦናዉ ሺቄድኖ። 29 ሀእካ ጎዳዉ፥ ኡንቱንቱ ናስያ ጼላ፤ ኑን ኔና ካልያዋንቱ፥ ነ ቃላ ኩመን ቆንጨተን ኦዳናዳን፥ ኑና ዳንዳይሳ። 30 ፓናዉ ነ ዎልቃ በሳ፤ ቃይ ነ ጌሻ ናኣ የሱሳ ሱንን ኦራባነ ማላታ ኦስሳ" ጊደ ዎሴድኖ።
31 ኡንቱንቱ ጾሳ ዎሴዳዋፐ ጉይያን፥ ሄ ኡንቱንቱ ሺቄዳሳይ ቃጼዳ። ኡንቱንቱ ኡባን ጌሻ አያናይ ኩምና፥ ጾሳ ቃላ ቆንጨተን ኦዴድኖ።
ኮይሮ አማኔዳ አሳቱዋ እትፐተ ደኡዋ
32 አማንያዋንቱ ኡባቱ ቆፋንነ ዎዛናን እቱዋ ግዴድኖ። ኡንቱንቱ መሂ ኡባይ እትፐ ደእያዋፐ አትን፥ ባረዉ ደኤዳባ ኦንነ ባረንቱባ ግቤና። 33 የሱስ ኪቴዳዋንቱ ጎዳ የሱስ ሀይቁዋፐ ደንዴዳዋ ዎልቃማ ዎልቃን ማርካቲኖ፤ ቃይ ጾሳይ ኡንቱንቶ ኡባዉ አ ኬካተ ዳርሲደ እሜዳ። 34 አማንያዋንቱ ግዶን መቶታንቻይ እቱነ ባዋ፤ አያዉ ጎፐ፥ ቢታይ ዎይ ጎሊ ደእያዋንቱ ኡባቱ ዛልኢደ፥ አኬዳ ሚሻ አሂደ፥ 35 የሱስ ኪቴዳዋንቶ እሚኖ፤ ሄ ሚሻይ አሳዉ ኮሽያዋዳን ሻከት፥ ሁጲያን ሁጲያን እመቴ።
36 ቆጲሮሳ ጌተትያ ሳን የለቴዳ ዮሴፎ ግያ ሌዊያ ዛሪ እቱ ደኤ፤ አ ሱን የሱስ ኪቴዳዋንቱ ባርናባሳ ጌድኖ። ሄዋ ብለይ "መንያ ናኣ" ግያዋ። 37 ባርናባስ ባረዉ ደእያ ጋድያ ዛልኤዳ ሚሻ አሂደ፥ የሱስ ኪቴዳዋንቶ እሜዳ።