ኪቴዳዋንቱ ኦሱዋ 9:1-5,15,17,20

ሳኦል ክርስቶሳን አማኔዳ

1 ሽን ሳኦል ጎዳ ካልያዋንታ ዎናዉ ማንዲደ፥ ቄሳቱዋ ኡባቱዋ ካፑዋኮ ቤዳ። 2 ያቲደ ጎዳ ኦግያ ካልያ አሳቱዋ ማጫዋንታነ አቱማዋንታ ደሞፐ፥ ቃቺደ የሩሳላመ አሀናዉ፥ ዳማስቆን ደእያ አይሁዳ ዎሳ ጎለቶ ዳብዳቢያ ጻፋናዉ አ ዎሴዳ።

3 እ ቢደ፥ ዳማስቆ ካታማ ጋካና ማቶደ፥ ቆፐናን ሳሉዋፐ ዎልቃማ ፖኡ አ ዩሹዋ ኡባን ፖኤዳ። 4 ሳኦል ሳኣን ኩንድ ኡትና፥ "ሳኦላ ሳኦላ፥ አያዉ ታና ዋይሳይ?" ግያ ቃላ ስሴዳ።

5 ሳኦል፥ "ታ ጎዳዉ፥ ኔን ኦኔ?" ያጊደ ኦቼዳ።

የሱስካ፥ "ታን ኔን የደርሳደ ደእያ የሱሳ" ያጌዳ።

15 ሽን ጎዳይ አ፥ "ሳኦል አይሁዳ ግደና አሳ ስንን፥ ካታቱዋ ስንንነ እስራኤልያ አሳ ስንን፥ ታ ሱን ኤርሳናዉነ ታዉ ኦናዳን ዶረቴዳ ሚሻ ግድያ ድራዉ፥ ኔን ባ።

17 ሀናኒ ቢደ፥ ሶይ ገሊደ፥ ባረ ኩሽያ ሳኦላ ቦላ ዎደ፥ "ታ እሻዉ ሳኦላ፥ ኔን ይያ ኦግያን ነዉ ቤቴዳ የሱስ፥ ኔን ጼላና ማላነ ጌሻ አያናይ ኔናን ኩማና ማላ፥ ታና ኪቴዳ" ያጌዳ።

ሳኦል ዳማስቆን ታማርሴዳ

20 ኤለካ፥ "የሱስ ክርስቶስ ጾሳ ናኣ" ያጊደ፥ አይሁዳ ዎሳ ጎለቱዋን ቃላ ኦዴዳ።