ዳኔላ 7:2-7

Em outras traduções

1. DFBLVL Geeshsha Mas'aafaa

   2 Daaneeli hawaadan yaagiide s’aafeedda; «K’amma taani ta sas’aan saluwaappe yeedda oyddu c’arkkotuu wogga abbaa bul"akkishin be’aad. 3 K’ay ittuu ittuwaappe dummatiyaa oyddu wolk’k’aama do’atuu abbaappe keseeddino.✝7:3 Sas'. 13:1; 17:8

   4 «Koyro do’ay gaammuwaa malatee; k’ay aw ankkuwaadan k’efii de’ee. Ta s’eellishin, Aa k’efii shodettina, sa’aappe denddiide, asaadan laa"u gediyaan ek’k’anaadan oosetteedda; k’ay asaa wozanaykka aw imetteedda.✝7:4-6 Sas'. 13:2

   5 «K’ay laa"entso do’ay itti bagga d’ok’k’u giide ek’k’eedda babantsaa giyaa iita do’aa malatee. He do’ay heezzu gaylliyaa mek’etsaa bare doonaan baariide, bare matan sa"i oyk’k’eedda. Yaateeddawe, ‹Denddaade daro ashuwaa ma› geetetteedda.

   6 «Hewaappe simmina k’ay, maahiyaa malatiyaa hara do’aa be’aad. Aa zokkiyaan kafuwaa k’efiyaa malatiyaa oyddu k’efetuu de’iino. K’ay aw oyddu huup’etuu de’iino. Ha do’aw mooddiyaa maatay imetteedda.

   7 «Hewaappe simmina, k’amma sas’aan yashshiyaa, dagantsiyaanne loytsi minniyaa oyddentso do’aa be’aad. Aw wolk’k’aama birataa achchatuu de’iino. I barenan gakketeeddawaa ubbaa unttunttun mentsereetsiide meenne atteedawaa bare gediyaan yed’ereetsee. Kase ta be’eedda do’atuwaa ubbaappe I dummatee; aw tammu kac’ii de’ee.✝7:7 Sas'. 12:3; 13:1