1,2 ሄዋ ድራዉ፥ ክርስቶሳ ትምርትያ ብሮ ዶምያዋ አጊደ፥ ዎዛናማ አሳ ትምርተዉ ስንዉ ቦይተ፤ ኮይሮ ኑን ታማራናዉ ኮሽያ ትምርትያ ዎ ኤቂደ ታማራናዉ ኑዉ በሰና፤ ሄ ትምርቲ አዬ ጎፐ፥ ማደና ኦሱዋፐ ስምያዋ፥ ጾሳ አማንያዋ፥ ጽንቃታቱዋባ፥6:1-2 ጽንቃታቱዋባ፦ ሜቻቱዋባ ግያዋ ግዲደ ጌሻተባ ግሪከን ዱማ ዱማ ዎጋ ግድያዋ በሴ። ኩሽያ ዎዋባ፥ ሀይቁዋፐ ደንዱዋባነ መና ፕርዳባ። 3 ጾሳይ ኦተ ጎፐ፥ ሄዋ ኑን ኦና።
4,5 አያዉ ጎፐ፥ እቶደካ ፖኡ ፖኤዳዋንታነ ሳሉዋ እሙዋ ባር በኤዳዋንታ፥ ቃይ ጌሻ አያናካ ሻክ አኬዳዋንታነ ጾሳ ቃላይ ሎአ ግዴዳዋ ስስ ኤሬዳዋንታ፥ ስንፐ ያና ሳኣ ዎልቃካ ቦች ጼሌዳዋንታ፥ 6 ሄዋፐ ጉየ ስሚደ ካዴዳዋንታ ናጋራፐ ላኤንዋ ዛራናዌ ዳንዳየተና። አያዉ ጎፐ፥ ሄዋንቱ ጾሳ ናኣ ማስቃልያ ቦላ ምስማርያን ሺደ ካቂያዋንታነ አሳ ስንን ካዉሽያዋንቱ ማላ።
7 ኡባ ዎደ ቡክያ እራ ኡሽና፥ ጎሼዳ ኡራ ጎእያ ካ ሞክያ ቢታ ጾሳይ አንጄ። 8 ሽን ቡሉዋነ ቡዙዋ ሞኮፐ፥ አይነ ጎኤና፤ ሸቃዉ ሺቅ ኡቴዳ። ቃይ ዉርሰን ጉደታና።6:8 ዶመ 3:17-18
9 ሽን ኑ ሲቃቶ፥ ኑን ሀዋዳን ሃሳይያዋ ግዶፐነ፥ ህንተንቱ አቶተዉ ግድያ ሎኦባይ ህንተንቶ ደእያዋ ኤሬቶ። 10 አያዉ ጎፐ፥ ህንተንቱ ኦዳ ኦሱዋነ ቃይ አማንያዋንታ ማዴዳዋንነ ሀእካ ማድያዋን ጾሳ ሲቄዳ ሲቁዋ ጾሳይ ዶጋናዉ ማካላ ግደና። 11 ህንተንቱ ሁጲያን ሁጲያን ደማና ጊደ፥ ህዶታን ናግ ኡቴዳ ኩመን ቱማተ ዉርሰይ ጋካናዉ፥ ካሰዋዳን ምንሲደ ኦና ማላ አሞቴቶ። 12 ጾሳይ እማና ጌዳዋ አማኑዋንነ ገንጫን ላትያዋንቱ ማላ ህንተንቱ ግዳናዋ ኑን ኮይያዋፐ አትን፥ አዛላ ግዳናዋ ኮዮኮ።
ጾሳይ እሜዳ ህዶታይ ስሰናዋ
13 ጾሳይ አብራሃሞ እማና ጊደ ጫቄዳ ዎደ፥ ባረፐ አያ ዎልቃማይ ባይና ድራዉ፥ ባረ ሁጲያን ጫቄዳ። 14 ጾሳይ አ፥
"ታን ኔና አንጃና፤
ነ ዘረካ ጮርሳና"
ያጊደ ጫቄዳ።6:14 ዶመ 22:16-17 15 ሄዋዳንካ፥ አብራሃሞ ገንጭ ናጊደ፥ ጾሳይ እማና ጌዳዋ አኬዳ።
16 አያዉ ጎፐ፥ አሳይ ባረፐ ቂያ ኡራን ጫቄ፤ ቃይ ሄ ጫቁ ፓሉምያ ኡባካ ተኤ። 17 ሄዋ ድራዉ፥ ጾሳይ ባረ እማና ጌዳዋ ላታናዋንቶ ባረ ቆፋ ኡባካ ላመናዋ ጌሽ ኦዳናዉ ሎይ ኮዪደ፥ ሄዌ ቱማ ግዴዳዎ ጫቄዳ። 18 ጾሳይ ዎርዶታናዉ ዳንዳየና ሀ ላኡ ላመተና የዋቱዋን፥ እ እማና ጌዳ ኑ ስንን ደእያዋ ኦይቃናዉ አኮ ባቃቴዳ ኑዉ ዎልቃማ መን ደኤ።
19 ሀ ኑን ደማና ጊደ ናሸቻን ናግ ኡቴዳዌ፥ ኑ ሸምፖ ማርካብያ ኦይቂያ ቃጸና ብራታ ማላ፤ ሄ ኑን ደማና ጊደ፥ ናሸቻን ናግ ኡቴዳዌ ኤረቴዳ ምኖ ግዲደ፥ ጋርዱዋ6:19 ጋርዱዋ፦ ሀዌ ዱንካንያ ግዱዋን ጎይናዉ ማድያዋ። ሄዌካ "ጌሻ ሳ" ጌተቴዳዋፐ "ጌሻፐ ጌሻ ሳ" ሻካናዉ ጎእያዋ ግዲደ ቄሳቱዋ ካፖ ጻላላይ ገላናዉ ዳንዳይያሳ። ግዶ ጌሻ ሳ ገሌ።6:19 ዎጋ 16:2 20 ቃይ የሱስ ማልክ-ጸደቃ ሱንተዳን፥ መናዉ ቄሳቱዋ ኡባቱዋ ካፑዋ ግዲደ፥ ኑ ግሻታዉ ኑፐ ካሰቲደ፥ ሄ ሳኣ ገሌዳ።6:20 ማዝ. 110:4