የሱስ ኦራ ቃላ ጫቁዋ ቄሳቱዋ ኡባቱዋ ካፑዋ
1 ኑን ሃሳይያ ዎልቃማባይ ሀዋ፤ ሳሉዋን ኡባፐ ቦላ ጾሳይ ኡትያ ካዉተ ኦይድያፐ ኡሸቻ ባጋና ኡቴዳ ቄሳቱዋ ኡባቱዋ ካፑ፥ ሀዋ ማላይ ኑዉ ደኤ።8:1 ማዝ. 110:1 2 ጌሻ ሳኣንነ ቱሙ ዱንካንያን እ ኦ፤ ሄ ዱንካኒ አሳይ ኤሴዳዋ ግደናን፥ ጾሳይ ኤሴዳዋ።
3 ቄሳቱዋ ኡባቱዋ ካፑ ኡባይ እሙዋነ ያርሹዋ ጾሳዉ እማናዉ ሱንቴዳ ድራዉ፥ ሀ ቄሳቱዋ ኡባቱዋ ካፖካ ያርሻናዉ እትባይ ደአናዉ ኮሼ። 4 ስም ሳኣን እ ደእያዋ ግዶፐ፥ ኡባካ ቄሳ ግደና፤ አያዉ ጎፐ፥ ህጊ አዛዝያዋዳን፥ እሙዋ እምያ ቄሳቱ ደኢኖ። 5 ኡንቱንቱ ቄሳቱዋዳን ኦያ ኪታይ ሳሉዋን ደእያ ኦሶ ቱሙ ሌምሱዋነ ኤሹዋ፤ አያዉ ጎፐ፥ ሙሴ ዱንካንያ ኤሳና ሀንሽን፥ ጾሳይ አ፥ "አኬካ፤ ኡባባካ ታን ኔና ደርያ ሁጲያን በሴዳ ሌምሱዋ ካላደ ኦ" ያጌዳ።8:5 ከሳ 25:40 6 ሽን የሱስ ጋናትያ ጫቁ ካሰዋፐ አያዋዳንካ፥ አዉ እመቴዳ ኦሱካ ኡንቱንቱዋፐ አ፤ አያዉ ጎፐ፥ ሄ ጫቁ ጾሳይ እማና ጌዳ ኡባፐ አያ ኪታን ኦሰቴዳ።
7 አያዉ ጎፐ፥ ኮይሮ ጫቁዋን ባላይ ባይናዋ ግድንቶ፥ ላኤን ጫቁዋ ኮሸና። 8 ሽን ኡንቱንታ ቦሪደ፥ ጎዳይ ሀዋዳን ያጌ፤
"ታን እስራኤልያ አሳናነ ይሁዳ አሳና፥
ኦራ ጫቁዋ ጫቀትያ ጋላሳቱ ያናዋ።8:8 ኤር. 31:31-34
9 ሄ ጫቁ ታን ግብጼ ጋድያፐ፥
ኡንቱንቱ አዎቱዋ ኩሽያ ኦይቃደ፥ ጎቻ ከሴዳ ዎደ፥
ኡንቱንቱና ጫቀቴዳ ጫቁዋ ማላ ግደና።
ኡንቱንቱ ታ ጫቁዋን አማነትቤና ድራዉ፥
ታንካ ኡንቱንታ አጋድ።
ታን፥ ጎዳይ፥ ሀዋ ኦዳይ።
10 አያዉ ጎፐ፥ ሄ ጋላሳቱዋፐ ጉይያን፥
ታን እስራኤልያ አሳና ጫቀታና ጫቁ ሀዋ:
ታን ታ ህግያ ኡንቱንቱ ቆፋን ዎና፤
ቃይ ኡንቱንቱ ዎዛናንካ ጻፋና።
ታን ኡንቱንቱ ጾሳ ግዳና፤ ኡንቱንቱካ ታ አሳ ግዳና።
11 ኡንቱንቱፐ ኦንነ ባረ ሾሩዋ፥
ዎይ ባረ እሻ፥
‘ጎዳ ኤራ’ ያጊደ ታማርሰና።
አያዉ ጎፐ፥ ኡንቱንቱ ናኣፐ ጭማ ጋካናዉ ኡባይ ታና ኤሪኖ።
12 ታን ኡንቱንቱ ናቁዋ ማራና፤
ኡንቱንቱ ናጋራካ ላኤን ሀሳይከ"
ያጌ። 13 ጾሳይ ኦራ ጫቁዋ ጊደ ሃሳይያዋን ኮይሮዋ ኤጭሴዳ፤ ቃይ ኤጭያባይነ ዉርያባይ ኤለካ ያና።