1 ታን የሱስ ክርስቶሳ ቆማይ ይሁዳይ፥ ያቆባ እሻይ፥ ጾሳይ ጼሴዳዋንቶ፥ ጾሳይ አዉ ሲቅያዋንቶ፥ ቃይ የሱስ ክርስቶስ ናግያዋንቶ፥ ሀ ዳብዳቢያ ጻፋይ።
2 ማሮተይ፥ ሳሮተይነ ሲቆተይ ህንተናን ኩሞ።
ዎርዶ አስታማራቱዋ
3 ታ ሲቃቶ፥ ኑን እትፐ ሻክ አካና አቶተባ ህንተንቶ ጻፋናዉ ታን ዳሮ ዳቡርያ ዎደ፥ ጾሳይ ባረ ናናቶ ላኤናን እት ገደ እሜዳ አማኖ ህንተ ባጸታና ማላ፥ ህንተና ዞራደ ጻፋናዉ ኮሽያዋ አኬካድ። 4 አያዉ ጎፐ፥ ጾሳ ኤረና እት እት አሳቱ ኦንነ በኤናን ህንተ ግዶ ገሌድኖ። ሄዋንቱ ኑ ጾሳ አ ኬካተባ ኦድያ ኪታ ኢታ ቱናተዉ ጌላይ ታማርሲኖ፤ ኡንቱንቱ ኑ እት ካትያ፥ ኑ ጎዳ የሱስ ክርስቶሳ ኤሮኮ ያጊኖ፤ ቃይ ኡንቱንቱ ፕርዳ አካናዋ ጾሳ ማጻፋቱ ዳሮ ዎድያፐ ካሰ ኦዴድኖ።
5 ሽን ህንተ ሀ ኡባባ ኤርያዋ ግዶፐካ፥ ጎዳይ እስራኤልያ አሳ ግብጼ ጋድያፐ ዎት አሼደንቶነ ቃይ አማንቤናዋንታ ጉየፐ ዎት ይሴደንቶ፥ ታን ህንተና ሀሳይሳናዉ ኮያይ።5 ከሳ 12:51፤ ፓይ. 14:29-30 6 ቃይ ባረንቱ ደኢያሳ አጊደ፥ ባረንቶ እመቴዳ ካፖተ ናግቤና ኪታንቻቱ ፕርዳ አክያ ዎልቃማ ጋላሳይ ጋካናዉ ጾሳይ ኡንቱንታ ናግያሳን፥ ማፐ ጋርሳን መናዉ ቃች ዎ።6 ዶመ 6:2 7 ሄዋዳን ሶዶማነ ጋሞራ ግያ ካታማቱዋንነ ኡንቱንቱ ሄራን ደእያ ካታማቱዋን ደእያ አሳይ ሄ ኪታንቻቱዋዳን ዎሹሜድኖነ ዎሹማናዉ ሎይ ካጄሌድኖ፤ ሄዋንቱ መና ታማን ኤጺደ፥ ሀራቶ ሌምሱዋ ግዴድኖ።7 ዶመ 19:1
8 ሄዋዳን ቃይ ሄ አኩመትያ አሳቱ ባረንቱ አሳተ ቱንሲኖ፤ ጾሳ ጎዳተ ካኖ፤ ቦንቾ መታቱዋካ ቦሪኖ። 9 ሽን ኪታንቻቱዋ ካፑ ምካኤል ሙሴ አሃባ9 ምካኤል ሙሴ አሃባ፦ ሀዌ በስያዌ፥ በን ኮይሮቲደ አይሁዳቱዋ ማጻፋን ሙሴባዉ ጻፈቴዳዋ። ጻላህያና ፓሉመቴዳ ዎደ፥ "ጎዳይ ኔና ሴሮ" ጌዳዋፐ አትን፥ ቦርያ ቃላን አ ቦላ ፕርዳናዉ ኮይቤና።9 ዳኔላ 10:13፣ 21፤ 12:1፤ ሳፃ 12:7፤ ዛረ. 34:6፤ ዛካ. 3:2 10 ሽን ሄ አሳቱ ባረዉ አኬከናባ ኡባ ቦሪኖ፤ ቃይ ኡንቱንቱ ዩሽ ቆፐና ዶአቱዋዳን፥ መታ ኤራተን ኤርያ የዋቱ ኡንቱንታ ይስያዋንታ። 11 ኡንቱንቶ አዬሮ! አያዉ ጎፐ፥ ኡንቱንቱ ቃዬል ሀመቴዳ ኦግያ11 ቃዬል ሀመቴዳ ኦግያ፦ ቃዬል ባረ እሻ አቤላ ዎዳ። ዶመ 4:3-8 ጼልተ። ሀመቴድኖ። ሻሉዋ ድራዉ ጊደ፥ ባላም ኦዳዋ11 ባላም ኦዳዋ፦ ጌሻ ቃላ ፓይዱዋ ማራዳን፥ ቦላ ጉጃ ደማና ጊደ እስራኤልያ አሳ ሸቂከ ጊደ እጼዳ ጋሱዋን ኡንቱንቱ ጾሳዉ አዛዘተናዳን ደአና ኦግያ ታማርሴዳ። ፓይ። 22:18፤ 24:13፤ 25:1-3፤ 31:16 ጼልተ። ማላ ባይዙዋ ኦድኖ። ቃይ ቆረ11 ቆረ፦ ዳታነና እትፐ ግዲደ ሙሴዉነ አሮነዉ ማካሌዳዋዳን፥ ማካላ አሳ ታማርሴድኖ። ፓይ. 16:1-35፤ 26:9-10 ጼልተ። ግያ ብታኒ ማካሊደ ዬዳዋዳን፥ ኡንቱንቱካ ማካሊደ ዬድኖ።11 ዶመ 4:3-8፤ ፓይ. 22:1-35፤ 16:1-35
12 ሄዋንቱ ሲቁዋን ሾቢያ ህንተ ምያሳን ህንተናና ያሽ ባይናን ምያ ዎደ፥ ቆሰቴዳ ቡዋ ማላ። ኡንቱንቱ ባረንቱ ጻላላ ናጊኖ። ኡንቱንቱ ጫርኩ አፍያ እራይ ባይና ሻርያ ማላ፤ ቃይ ኡንቱንቱ ቦንያን አይፍያ አይፈና፥ ጻጱዋና ሾደቲደ፥ ሙለካ መሌዳ ም ማላ። 13 ኡንቱንቱ ባረንቱ ፖኩዋ ገንና ሆሞትያ፥ ኢታ አባ ቤታ ማላ። ኡንቱንቱ፥ ጾሳይ፥ መናዉ ሳካና ማን ሳኣ ጊግስ ዎዳ ዩይያ ጾልንታቱዋ ማላ።
14,15 ሄኖክ አዳማፐ ዶምና፥ ላፑን የለታ ግድያዌ፥ ዳሮ ዎድያፐ ካሰ ኡንቱንቱዋ ትምቢትያ ኦዲደ፥ ሀዋዳን ያጌዳ፤
"አኬክተ፤ ጾሳ ኤረና ናጋራንቻ አሳቱ ኦዳ፥
ኢታ ኦሱዋ ኡባዉነ፥
ቃይ ጾሳ ኤረና ሄ ኢታ አሳቱ፥
ጾሳ ቦላ ሃሳዬዳ ኢታ ሃሳያ ኡባዉ፥
ጎዳይ ኡንቱንቱ ኡባ ቦላ ፕርዳናዉ፥
ባረ ጮራ ሻአ ጌሻቱዋና እትፐ ያና"
ያጌዳ።14-15 ዶመ 5:18፣ 21-24 16 ሄ አሳቱ ኡባ ዎደ ዙዙሚኖነ ሀራቱዋ አማሳሊኖ፤ ቃይ ባረንቱ ኢታ አሙዋ ካሊኖ፤ ባረንቱ ሁጰዉ ጎአ ደማናዉ ሀራቱዋ ሳቢኖነ ባረንቱ ኮሻ ዎጋፐ አደ፥ ቁ ኦ ሃሳዪኖ።
ምኖ አኬክሱዋነ ዞርያ
17 ሽን ታ ሲቃቶ፥ ኑ ጎዳ የሱስ ክርስቶስ ኪቴዳዋንቱ ህንተንቶ በን ሃሳዬዳ ቃላ አኬክተ። 18 ኡንቱንቱ ህንተንቶ፥ "ዉርሰ ዎድያን፥ ባረንቶ ጾሳይ ባይናዋንቱ፥ ባረንቱ አሙዋ ካልያዋንቱ፥ ቃይ ህንተ ቦላ ቅሊጭያዋንቱ ያና" ያጌድኖ። 19 ሄዋንቱ አሳ ግዶን ሻኮተ መያዋንታነ፥ ባረንቱ ኢታ አሞ ሞደቴዳዋንታ፤ ቃይ ጌሻ አያናይ ባይናዋንታ።
20 ሽን ታ ሲቃቶ፥ ኡባፐ አያ ጌሻ አማኑዋን ህንተ ሁጲያ ኬጽተ፤ ቃይ ጌሻ አያና ዎልቃን ጾሳ ዎስተ። 21 ቃይ ኑ ጎዳይ የሱስ ክርስቶስ ባረ ማሮተን ህንተንቶ እማና መና ደኡዋ ናጊደ፥ ህንተ ሁጲያ ጾሳ ሲቁዋን ዎተ።
22 እት እት ስ ደእያ አሳቶ ቃረትተ። 23 እቱዋ እቱዋ ታማፐ ዳፍ ከሲደ አሽተ። ቃይ ሀራይ አቶ ኡንቱንቱ ኢታ አሙዋን ቱኔዳ ማዩዋ እጺደካ፥ እቶ እቶ ያሻተን ቃረትተ።
ጋላታ ዎሳ
24,25 ህንተ ኩንደናዳን፥ ህንተና ናጋናዉነ ፖኩ ባይናዋንታ ኦደ፥ ባረ ቦንቹዋ ስን ዎልቃማ ናሸቻን ሺሻናዉ ዳንዳይያ ኑና አሽያ እት ጾሳዉ፥ ኑ ጎዳ የሱስ ክርስቶሳ ባጋና ቦንቹ፥ ግታተይ፥ ዎልቃይነ ማታይ፥ አዳ ዎደ ኡባፐነ ሀእነ መና ጋካናዉ ግዶ። አመንእ።