46 የሱስ ሃ ዎይንያ ኡሻ ከሴዳ፥ ጋሊላን ደእያ ቃና ካታማ ቤዳ። ቅፍርናሆማን አ ናአይ ሳከትያ፥ ካትያ ጎለን ኦያ እት ካፑ ደኤ። 47 የሱስ ይሁዳፐ ጋሊላ ዬዳዋ ሄ ካፑ ስሲደ፥ አኮ ዪደ ሀይቃናዉ ማቴዳ ባረ ናኣ ቢደ ፓና ማላ፥ የሱሳ ዎሴዳ።

48 የሱስ ሄ ካፑዋ፥ "ጾሳይ ኦያ ማላታነ ሄቾ ጊስያባ በኤናን ደኢደ፥ ህንተንቱ አይነ አማንክታ" ያጌዳ።

49 ሄ ካፑ ዛሪደ፥ "ጎዳዉ፥ ታ ናአይ ሀይቀናን ደእሽን፥ ታናና ባርኪ" ያጌዳ።

50 የሱስ፥ "ባ፤ ነ ናአይ ፓጻ ደአናዋ!" ያጌዳ።

ሄ ካፑ የሱስ ጌዳዋ አማኒደ ቤዳ። 51 እ ባረ ጎለ ቢሽን፥ አ ቆማቱ አናና ኦግያን ጋከቲደ አ፥ "ነ ናአይ ፓጻ ደኤ" ጌድኖ።

52 እ ባረ ቆማቱዋ ባረ ናአዉ አይ ሳትያን ኬኬደንቶ ኦችና ኡንቱንቱ፥ "ዝኖ ላፑ ሳትያን ቆጹ አ አጌዳ" ያጌድኖ። 53 ናኣ አዉ የሱስ ባረዉ፥ "ነ ናአይ ፓጻ ደአናዋ" ጌዳዌ ሄ ሳትያና ግዴዳዋ ሀሳዬዳ። ሄዋ ድራዉ፥ እነ አ ሶይ አሳይ ኡባይ አማኔድኖ።

54 ሀዌ የሱስ ይሁዳፐ ጋሊላ ዪደ ኦዳ ላኤን ማላታ።