24 ዮሃንስ ኪቴዳዋንቱ ብድጎዋፐ ጉይያን የሱስ አሳዉ ዮሃንሳባ ኦዱዋ ዶሜዳ: "አያ በአናዉ ቢታ ባዙዋ ከሴድቴ? ጫርኩ ቃያ ኡሱን? 25 ዎይ አያ በአናዉ ከሴድቴ? ሎኦ ማዩዋ ማዬዳ አሳ ደኡዋ? ሎኦ ማዩዋ ማዬዳዋንቱነ ባረና ጊግስያዋንቱ ካትያ ጎለን ደኢኖ። 26 ዎይ አያ በአናዉ ከሴድቴ? ናብያ በአናዉ ከሴድቴ? ኤ፤ ታን ህንተንቶ ያጋይ፤ ህንተንቱ በአናዉ ከሶዌ ናብያፐካ አዋ። 27 ጾሳ ማጻፋን፥ ‘ነ ኦግያ ኔፐ ስንና ጊግስያ ኪታንቻ ኔፐ ስንያደ ኪታና’ ጌተት ዮሃንሳባይ ጻፈቴዳዌ ሀዋ። 28 ማጫዋንቱፐ የለቴዳዋንቱ ጋርሳን ጻማቅያ ዮሃንሳፐ አያ ኦንነ ባዋ። ጾሳ ካዉተን ቃይ ኡባፐ ላፋ ጌተትያዌካ አፐ አናዋ" ያጌዳ።

29 ሀራይ አቶ ሽን ቃራጻ ከስያዋንቱ አተናን ሀዋ የሱስ ሃሳዮዋ ስሴዳ ኡባይ ዮሃንሳ ኩሽያን ጻማቀቶዋንቱ ጾሳዉ በስያ ቦንቹዋ እሜድኖ።✝7:29፣ 30 ማቶሳ 21:32፤ ሉቃሳ 3:12 30 ሽን ህግያ ታማርስያዋንቱነ ፓርሳዋቱ ዮሃንሳን ጻማቀትቤና ድራዉ፥ ጾሳይ ኡንቱንቶ ቆፔዳዋ እጼድኖ።