31 የሱስ ጺሮሳ ጋድያፐ ከሲደ፥ ሲዶናናነ ታሙ ካታማ ግያ ጋድያና ካንደ፥ ጋሊላ አባኮ ቤዳ። 32 አሳይ ቱለነ ዱደ ግዴዳ ብታንያ የሱሳኮ አሂደ፥ ባረ ኩሽያ አ ቦላን ዎና ማላ፥ የሱሳ ዎሴድኖ። 33 የሱስ ባረካ ሄ ብታንያ ጮራ አሳፐ ጋጻ ከሲደ፥ ባረ ብራያ አ ሀይን የዴዳ፤ ቃይ ጩቻ ጩቺደ፥ አ እንጻርሳ ቦቼዳ። 34 ሳሉዋ ፑደ ጼሊደ፥ ቶክ ሸምፒደ፥ "ኤፍታህ"*7:34 ኤፍታህ፦ ሀ ቃላይ የሱስ ሀ አላምያን ደኢደ ታማርስያ ዎደ፥ ጎኤትያ አራማይከ ያገትያ ቃላን ሃሳዬዳዋ። ያጌዳ፤ ሄዋ ግያዌ ዶየታ ግያዋ። 35 ብታንያ ሀይይ ኤለካ ዶየት አጌዳ፤ ቃይ አ ሃሳየና እንጻርሳይካ ብለት አጌዳ፤ ብታኒ አይነ ዋየተናን ሃሳዪ አጌዳ።

36 የሱስ አሳዉ፥ "ሀዋ ኦስነ ኦዶፕተ" ያጊደ ኦዴዳ፤ ሽን እ ዳርስ ምንስ ኦድና፥ አሳይ ቃይ ኦዱዋ ያ ዳርሴዳ። 37 ሄዋ ስሴዳ አሳይ ኡባይ ዳሮ ማላለቲደ፥ "ኡባባካ እ ሎይ ኦ። ሀራይ አቶ ቱልያካ ስሴ፤ ቃይ ዱድያካ ሃሳይሴ" ያጌድኖ።