1 ዎንት ሀናናባን ጬቀቶፓ፤ ዎንት አሀናባ ኔን ኤራካ።✝

2 ኔና ሀራ አሳይ ጋላቶፐ አትና፥ ኔን ኔና ኔረካ ጋላቶፓ፤ አሳይ ነ ድራዉ ማርካቶፐ አትና፥ ኔን ነ ኬካተ ኦዶፓ።

3 ሹቻይ ዎልቃማ ቶኩዋ፤ ሻፈቱዋ ቶክያዌካ ዴጼ፤ ሽን ቦዛ ኡራይ ደንያ ዋላሳይ ኡንቱንቱ ላኡዋፐካ ዴጼ።

4 ሀንቆ ቃረት ባዋ፤ ይሉካ ባይዝያ ድኡዋ ማላ፤ ሽን ቃናትያን ኡባ ጋፖ።

5 ጌሜዳ ሲቁዋፐ ባልያ ዎደ ቆንጭያን ሴርያዌ ኬካ።

6 ሞርኪ ኔና ዳሮ ገደ የርያዋፐ ሲቁ ኔና ደችያዌ ኬካ።

7 ካሌዳ ኡራ ኤሳ እልሉ ኢቴ፤ ሽን ኮሻቴዳ ኡራ ጫምያባይካ ማልኤ።

8 ባረ ጎልያ አጊደ ዩይያ አሳይ፥ ባረ ጎልያፐ ሃካደ ፓልያ ካፋት ማላ።

9 ሽቱነ ሳዊያ እጻናይ አሳ ናሸችያዋዳን፥ ሲቁዋ ላግያ ዞሪካ ናሸቼ።

10 ነ ሲቆ ላግያነ ነ አዉዋ ሲቆ ላግያ አጎፓ፤ ኔና መቴዳ ዎደ ነ እሻ ጎለ ቦፓ። ሃኩዋን ደእያ እሻፐ ማታን ደእያ ሾሩ ኬካ።

11 ታ ናአዉ፥ ኔን አዳ ኤራንቻ ግዳ። ያትንቶ ታን ናሸታናነ ታና ቦርያዋንቱ ኦሻካ ዛራና።

12 ጭንጫ አሳይ መቱ ይያ ዎደ በኢደ ቆሰቴ፤ ሽን አኬካይ ፓጬዳ አሳይ ስት ግ ቢደ፥ መቱዋን ገሌ፤ ያቲደ ጉየፐ አዬ አና ያጌ።

13 ኤረና አሳዉ ዋስያ ገልያ ኡራ ማዩዋ ቃር አክተ፤ እማ አሳዉ፥ ዋስያ ገሌዳ ኡራ ማዩዋ ኦይቂተ።

14 ዎንታ ጉራን ባረ ቃላ ቁ ኦደ፥ ባረ ሾሩዋ ሳሮትያዌ አ ሸቂያዋ ማላ።

15 ዋላቀታደ ዱጸና ማቻታነ እራይ ቡክያ ዎደ ጾኪደ አገና ጎሊ እት ማላ። 16 ጫርኩዋ ተአናዉ ዎይ ዛይትያ ጩጩሚደ ኦይቃናዉ ዳንዳየተናዋዳን፥ እዞ ጮኡ ኦናዉ ዳንዳየተና።

17 ብራታይ ብራታ ፖሽያዋዳን፥ አሳይ እቱ እቱዋፐ ታማሬ።

18 ባላስያ ግያ ምቶ እሻልሲደ ናጌዳ ኡራይ እ አይፍያ ማና፤ ባረና አይሴዳዋ ካቦይያ ቆማይ ቦንቼታና።

19 ሃይ ማስቶትያዳን ሶምኡዋ በስያዋዳን፥ አሳ ዎዛናይ እዛዉ ኤሻ በሴ።

20 ሀይቁነ ባሻይ ካል ኤርክኖ፤ ሄዋዳንካ፥ አሳ አይፊ ካለና።

21 ብራይነ ዎርቃይ ታማን ፓጨቲደ ጌይያዋዳን፥ አሳይካ ባረ አክያ ጋላታን ፓጨቴ።

22 ቦዛ አሳ ካና ኡዱላን የጋደ፥ ኡዱላ ምን ጫድንቶ፥ አፐ ቦዛተይ ክቼና።

23 ነ ዶርሳቱ ደእያ ሀኖታ ሎይደ ኤራ፤ ነ መህያ ዉድያካ ዎዛናፐ ሄማ። 24 አያዉ ጎፐ፥ ዱረተይ መናዉ ደኤና፤ ካላቻይካ የለታፐ የለታዉ አናን አጋናዉ ዳንዳዬ። 25 መላ ማታይ ቡጨቴዳዋፐ፥ አጫ ማታይ ከሴዳዋፐነ ደርያ ቦላን ደእያ ማታይ ሺቄዳዋፐ ጉይያን፥ 26 ዶርሳቱዋ እስክያፐ ኔን ነዉ ማይያዋ ከሳና፤ አማሬዳ ዴሻቱዋ ዛልኤዳ ብራንካ ነዉ ጋድያ ሻማና። 27 አትያ ዴሻቱዋ ማይ ነዉ፥ ነ ሶ አሳዉነ ነ ማጫ ቆማቶ ቁማ ግዳናዋ።