Nuuni Kiristtoosa Kak’aabaa Markkatteetto
1 Taanaadan ammaniyaawanttoo, taani S’oossaa tumatetsaa s’uuraa2:1 S’oossaa tumatetsaa s’uuraa: Itti itti Geeshsha Mas’aafaa biletsatuu, S’oossaabaa markkatetsaa, yaagiino. hinttenttoo odanaw hinttenttukko yeedda wode, d’ok’k’a k’aalaaninne aad’d’eedda eratetsaan odanaw yabeykke. 2 Ayaw gooppe, taani hinttenttunna de’aadde, Yesuusi Kiristtoosappenne k’ay mask’k’aliyaa bolla misimaariyan d’ishettiide I kak’etteeddawaappe attin, harabaa erennaadan, ta k’ofaa k’achchaad. 3 Taani daaburaaninne yashshaan daro kokkorssaan hinttenttunna de’aaddi. 4 Taani tamaarissiyaawaanne odiyaawaa S’oossaa Ayyaanaaninne wolk’k’aan k’onc’c’issayppe attin, c’iimma gidiide aad’d’eedda eratetsaa k’aalaanna gidenna. 5 Hewaa diraw, hintte ammanuu S’oossaa wolk’k’aanappe attin, asaa aad’d’o eratetsaan zemppibeenna.