11 Abeet Med’inaa Godaw, saluwaaninne sa’aan de’iyaa ubbabay newaa! Gitatetsay, wolk’k’ay, bonchchu, s’oonuunne anggay newaa! Abeet Med’inaa Godaw, maatay newaa; neeni ubbaappe bollanne huup’e.29:11 Mat. 6:13 12 Duretaynne bonchchu neeppe yee; neeni ubbabaa moodasaa. Wolk’k’aynne minotay ne kushiyaanna; neeni asaa ubbaa d’ok’k’issanawunne minisanaw danddayaasa.
14 «Nuuni hawaa keeshshabaa Immanaw tanne ta asaynne oonee? Ayaw gooppe, ubbabay neeppe yee; nuuni ne kushiyaappe akkeeddawaa new zaaretsi immeedda. 15 Kase nu aawotuwaa ubbaadan nuunikka ne sintsan betenne imatsaa. Ha sa’aa bollan nu de’uwaa laytsay kuwaadan aad’d’iyaawaa; nuuni hayk’oppe attanaw danddayokko.