S’aas’etsa Mas’aafaa Laappuntsa Maatafay Dooyetteedda
1 Dorssay laappuntsa maatafaa dooyyeedda wode, bakka saatiyaa gidiyaawaa keenaa saluu c’o"u geedda.
2 Hewaappe guyyiyaan, taani laappu kiitanchchatuwaa S’oossaa sintsan ek’k’iyaawantta be’aaddi; unttunttoo laappu malakatay imetteedda.
3 Is’aanaa c’uwayiyaa work’k’aa miishshaa oyk’k’eedda hara kiitanchchay yiide, yarshshiyaa sa’aa matan ek’k’eedda. Work’k’aappe med’etteedda yarshshiyaasay kawutetsaa oydiyaa sintsan de’ee; he yarshshiyaa sa’aa bolla geeshsha ubbatuwaa woosaa gujjana mala, kiitanchchaw daro is’aanay imetteedda.8:3 Amo. 9:1; Kes. 30:1, 3 4 Is’aanaa c’uway geeshshatuwaa woosaanna ittippe he kiitanchchaa kushiyaappe pude S’oossaakko beedda. 5 Hewaappe guyyiyaan, kiitanchchay is’aanaa c’uwayiyaawaa akkiide, yarshshiyaa saappe tamaa bonk’k’uwaa akkiide, aan kuntseedda. He is’aanaa c’uwayiyaawaa duge sa’aa olina, guuguntsay guummeedda. Walk’k’antsay wolk’k’aameedda; k’ay biittaykka k’aas’s’eedda.8:5 Sas'. 11:19; 16:18; Wog. 16:12, 18; Hiz. 10:2; Kes. 19:16