Kiitteeddawanttu Oosuwaa 18

P’awuloosi K’oronttoosa Beedda

1 Hewaappe guyyiyaan, P’awuloosi Ateenaappe kesiide, K’oronttoosa beedda. 2 Hewaan Ak’iilaa giyaa itti Ayihuda bitaniyaa demmeedda; Ak’iilay P’ans’s’oossan yeletteedda; Ayihuda Asay ubbay Roomeppe kesana mala, K’alawudeyoosi azazeedda diraw, amareeda wodiyaappe kase, I bare machchatti P’irisk’k’illanna S’aaliyaappe yeedda; P’awuloosi unttunttunna gakettanaw beedda. 3 Aa oosuunne unttunttu oosuu itti mala dunkkaaniyaa sikaa gidiyaa diraw, unttunttunna uttiide, ittippe ootseedda.