Kiitteeddawanttu Oosuwaa 7

44 «Muse bare be’eeddawaa malatissiide, Goday aw odeeddawaadan med’d’eedda markkaa dunkkaanii nu aawaatoo mela biittaan de’ee.✝7:44 Kes. 25:9, 40 45 K’ay nu aawotuu dunkkaaniyaa barenttu aawotuwaappe kaallaan akkiide, S’oossay kase yedersseedda Ayihuda gidenna asaa biittaa oyk’k’eedda wode, Iyyaasunna gelisseeddino; he dunkkaanii Daawite de’iyaa wodii gakkanawukka hewaan de’eedda.✝7:45 Iya. 3:14-17 46 Daawite S’oossaan sabetteedda; k’ay Yaak’ooba, Goday de’ana golliyaa kees’s’anaw S’oossaa woosseedda.✝7:46 2 Sam. 7:1-16; 1 Od. 17:1-14 47 Shin aw golliyaa kees’s’eeddawe Solomona.✝7:47 1 Kat. 6:1-38; 2 Od. 3:1-17

48-50 «Shin nabii,

« ‹Goday, «Saluu ta kawutetsaa oydiyaa;

sa’aykka ta gedii yed’d’iyaa saa.

Yaatina, taw ayaa mala golliyaa kees’s’anitee?

Woy taani shemppanasay hak’anee?

Ha ubbabaa ta kushiyan med’d’abeykkitaa?» yaagee›

geeddawaadan, Ubbaappe Bolla S’oossay Asay kees’s’eedda golliyaan de’enna.✝7:48-50 Isa. 66:1-2