18 Asay ubbay guuguntsay guugummiyaawaanne walk’k’antsay wolk’k’aamiyaawaa be’eedda; malakataa waasuwaa siseedda; k’ay derii c’uwattiyaawaakka be’eedda; Asay yashshan kokkoriide, haakuwaan ek’k’eedda.20:18-19 Ibr. 12:18-19 19 Unttunttu Musa, «Neeni nuw haasaya; nuuni sisana; shin nuuni hayk’k’ennaadan, S’oossay nuw haasayoppo» yaageeddino. 20 Muse asaa, «S’oossay hinttentta paac’c’anaw, nagaraa hinttenttu ootsenna mala, Aa yashshay hinttenttu wozanaan de’anaadan, I yeedda diraw yayyoppite» yaageedda. 21 Asay haakki ek’k’ide’ishshin, S’oossay de’iyaa sa’aa wolk’k’aama d’umaakko Muse shiik’eedda.
Yarshshiyaa sa’atuwaan Go’ettiyaa Wogatuwaa
22 Hewaappe guyyiyaan, Med’inaa Goday Musa, «Israa’eeliyaa asaw hawaadan yaagaadde oda; ‹Taani saluwaappe hinttenttoo haasayeeddawaa hinttenttu hinttenttu huup’iyaw be’eeddita. 23 Ta matan ay eek’aanne ootsoppite; biraa eek’aa woy work’k’aa eek’aa hinttenttoo ootsoppite.
24 « ‹Neeni taw yarshshuwaa yarshshiyaa sa’aa urk’k’aappe med’d’aade ne s’uuggiyaa yarshshuwaa, ne ittippetetsaa yarshshuwaa, ne dorssatuwaanne ne deeshshatuwaappe ne miizzatuwaa Aa bolla yarshsha. Ta suntsay k’ofettana mala ootseedda sa’aa ubbaan, taani hinttenttukko yaade, hinttentta anjjana. 25 Neeni taw yarshshuwaa yarshshiyaa sa’aa shuchchaappe med’d’ooppe, masetteedda shuchchaappe med’d’oppa; ayaw gooppe, neeni massiyaa miishshan Aa bochchooppe, ne Aa tunissaasa.20:25 Zar. 27:5-7; Iya. 8:31 26 Ta yarshshuwaa sa’aa pude gayyiyaan kesoppa; ayaw gooppe, neeni kesiyaa wode, ne kalluu beette› yaagaadde oda.