Êxodo 20

3 «Taappe attina, hara s’oossaw goynnoppa.

4 «Bolla saluwaan de’iyaa, woy garssa sa’aan de’iyaa, woy sa’aappe garssan haatsaa giddon de’iyaa ayyaanne malatissaade new goynniyaa misiletuwaa ootsoppa.✝20:4-5 Kes. 34:17; Wog. 19:4; 26:1; Zar. 4:15-18; 27:15 5 Unttunttoo hokkoppa woy unttunttoo goynnoppa. Ayaw gooppe, taani, Med’inaa Goday ne S’oossay k’anaatanchcha S’oossaa; taana is’s’iyaawantta aawotuwaa nagaraa diraw, naanaa heezzentso yeletaanne oyddentso yeletaa gakkanaw muriyaawaa.✝20:5-6 Kes. 34:6-7; Pay. 14:18; Zar. 7:9-10 6 K’ay taana siik’iyaanne ta azazuwaa naagiyaawanttoo sha"a yeletay gakkanaw laamettena siik’uwaa bessiyaa Med’inaa Godaa.

7 «Med’inaa Godaa ne S’oossaa suntsaa c’oo dentsoppa; ayaw gooppe, S’oossay bare suntsaa c’oo dentsiyaawaa murana.✝20:7 Wog. 19:12

8 «Geeshsha ootsaade, Sambbata gallassaa naaga.✝20:8 Kes. 16:23-30; 31:12-14 9 Neeni ootsiyaa oosuwaa ubbaa usuppun gallassatuwaan ootsa.✝20:9-10 Kes. 23:12; 31:15; 34:21; 35:2; Wog. 23:3 10 Shin laappuntsa gallassay Med’inaa Godaa ne S’oossaw Sambbata. He gallassi ay oosuwaanne ootsoppa; neeni, woy ne attuma na’ay, woy ne mac’c’a naanaa, woy ne mac’c’anne attuma k’oomatuu, woy ne miizzay, woy hinttenttunna de’iyaa Israa’eeliyaa gidena Asay he gallassan ay kiitaakka kiitettoppo. 11 Ayaw gooppe, usuppun gallassaa giddon Med’inaa Goday saluwaanne, sa’aa, abbaanne unttunttu giddon de’iyaa ubbaa med’d’eedda; shin laappuntsa gallassan shemppeedda. Hewaa diraw, Med’inaa Goday Sambbata gallassaa anjjeedanne geeshsheedda.✝20:11 Dom. 2:1-3; Kes. 31:17

12 «Med’inaa Goday ne S’oossay new immiyaa biittaan ne laytsay aduk’k’ana mala, ne aabbanne ne daayo bonchcha.✝20:12 Zar. 27:16; Mat. 15:4; 19:19; Mar. 7:10; 10:19; Luk'. 18:20; Efe. 6:2, 3

13 «Asaa wod’oppa.✝20:13 Dom. 9:6; Wog. 24:17; Mat. 5:21; 19:18; Mar. 10:19; Luk'. 18:20; Rom. 13:9; Yak'. 2:11

14 «Woshummoppa.✝20:14 Dom. 9:6; Wog. 24:17; Mat. 5:21; 19:18; Mar. 10:19; Luk'. 18:20; Rom. 13:9; Yak'. 2:11

15 «Wuu"oppa.✝20:15 Wog. 19; 11; Mat. 19:18; Mar. 10:19; Luk'. 18:20; Rom. 13:9

16 «Ne shooruwaa bollan wordduwaa markkattoppa.✝20:16 Kes. 23:1; Mat. 19:18; Mar. 10:19; Luk'. 18:20

17 «Ne shooruwaa golliyaa amottoppa; ne shooruwaa machato, woy Aa k’oomaa, woy Aa k’oomato, woy Aa booraa, woy Aa hariyaa, woy aw de’iyaawaa ayaanne amottoppa» yaageedda.✝20:17 Rom. 7:7; 13:9