31 «S’omppiyaa wotsiyaa baalaa k’os’etteedda walakay baynna work’k’aappe med’d’a; he baallay ek’k’iyaa gediikka, k’ay giddo toomaykka ubbay k’os’etteedda work’k’aappe oosettanaw koshshee. Aa wanc’c’atuu, Aa kukkumotuu Aa c’iishshatuu ubbay aanana ittippe oyk’etti med’ettanaw koshshee.
37 «Hewaappe guyyiyaan s’omppiyaa wotsiyaa baallaw laappun s’omppetuwaa giigissaade, unttunttu sintsa giddow poo’ana mala d’ok’k’u ootsaadde wotsa. 39 S’omppiyaa wotsiyaa baallaynne an go"ettiyaa miishshaa ubbay hattamanne ichcheshu kiilo giraame gideedda walakay baynna work’k’aappe med’d’ettiino.