K’eesaa Malkki-S’edek’k’a
1 Ha Malkki-S’edek’k’i, Saleema kaatii, Ubbaappe Bolla S’oossaa k’eesay, Abraahaamo kaatetuwaa wod’iide olaappe simmishshin, aanana gakettiide, Aa anjjeedda.7:1-2 Dom. 14:17-20 2 Abraahaamo bare omoodeedda ubbaappe asiraataa kessiide, aw immeedda; Malkki-S’edek’k’a suntsaw koyro biletsay s’illotetsaa kaatiyaa giyaawaa; k’ay Saleema kaatiyaa I gidiyaa diraw, laa’entso biletsay sarotetsaa kaatiyaa giyaawaa.
4 Nu aawotuwaa kaappuu Abraahaamo olaan omoodiide, aheeddawaappe asiraataa immeedda Malkki-S’edek’k’i ay keena d’ok’k’u giyaawentto be’ite.
9 Hawaadan haasayanaw haray atto, asiraataa kessiyaa Leewiikka Abraahaamo baggana asiraataa immeedda. 10 Ayaw gooppe, Malkki-S’edek’k’i Abraahaamona gakettiyaa wode, Leewii biro yelettibeenna; shin bare zariyaa Abraahaama gulbbatan de’ee.