11 Hewaappe guyyiyaan, Med’inaa Godaa kiitanchchay Oofira giyaa saan de’iyaa Abi’eezera yaraa Yo’aasha wolaa garssan utteedda. He wode Yo’aasha na’ay Geedooni Midiyaama asaappe k’osettanaw woyniyaa eessaa gum"iyaasan zarggaa bukkee. 12 Hewan Med’inaa Godaa kiitanchchay aw beettiide, «Laa nenoo, mino olanchchaw, Med’inaa Goday neenana de’ee» yaageedda.
22 Geedooni be’eeddawe Med’inaa Godaa kiitanchchaa gidiyaawaa akeekeedda wode, «Aayye ana! Ubbaa Mooddiyaa Med’inaa Godaw, taani Med’inaa Godaa kiitanchchaa ta ayfiyaan be’aaddi!» yaageedda.
23 Shin Med’inaa Goday, «Saruu new gido! Yayyoppa! Hayk’k’akka» yaageedda. 24 Geedooni Med’inaa Godaw yarshshiyaa sa’aa yaan giigissiide, he sa’aa Med’inaa Goday Saro S’oossaa yaagiide suntseedda. He yarshshiyaa sa’ay Abi’eezera yaratuwaassa gidiyaa Oofiran hachche gakkanaw ek’k’iide de’ee.