Yesuusa Naazireeten Akkenaan Is’s’eeddino
1 Yesuusi hewaappe kesiide, bare gadiyaa Naazireete katamaa beedda; Aa kaalliyaawanttukka Aa kaalliide beeddino. 2 Sambbataa gallassi Ayihuda woosa golliyaan tamaarissuwaa doommeedda; I tamaarissiyaawaa siseedda c’ora Asay maalalettiide, «Hawe ha ubbabaa hak’appe demmeeddee? Ha aw imetteedda aad’d’o eratetsay ayee? S’oossay ootsiyaa malaataa I wooti ootsii? 3 Hawe anaas’iyaa6:3 Anaas’iyaa: Giriike biletsaan shuchchaa woy urk’k’aa melissiide med’d’iyaa asaa giide go"ettee. gidennee? Mayraami na’aa, Yaak’ooba ishaa, Yoosa ishaa, Yihudaa ishaa, Simoona ishaa gidennee? Aa michchatuu nuunanna hawaan de’iyaawantta gidikkinoo?» yaagiide, I giyaawaa akkenaan is’s’eeddino.
4 Yesuusi he asaw, «Nabii bare gadiyaan, bare dabbatuwaaninne barenttu soy asaan bonchchettennawaappe attin, ubba saan bonchchetee» yaageedda. 5 I hewaan bare kushiyaa amareeda asatuwaa bolla wotsiide, unttuntta patseeddawaappe attin, c’ora malaataa ootsanaw ayinne danddaybbeenna. 6 Asay ammanibeenna diraw maalaletteedda.
Yesuusi Tammanne Laa"u Barena Kaalliyaawanttu Tamaarissanaadan Kiitteedda
(Mat. 10:5-15; Luk'. 9:1-6)
Hewaappe guyyiyaan, Yesuusi hewaa heeraan de’iyaa k’eeri katamatuwaan yuuyyi yuuyyiide, asaa tamaarisseedda.