Ammanuwaan Beettiyaa Sarotetsaanne Sigatetsaa
1 Hewaa diraw, nuuni ammanuwaan S’illeeddawaan, nu Godaa Yesuusi Kiristtoosa baggana nuw S’oossaanna sarotetsay de’ee;
6 Ayaw gooppe, nuuni biro wolk’k’ay baynnawantta gidiide de’ishshin, S’oossay dooreedda wodii gakkina, Kiristtoosi nagaranchchatuwaa diraw hayk’k’eedda. 8 Shin nuuni biro nagaranchcha gidiide de’ishshin, Kiristtoosi nu diraw hayk’k’eedda; hewe S’oossay nuuna ay keenaa siik’inttonne Aa siik’uwaa erissee. 9 Simmi nuuni ha"i Aa suutsaan s’illeeddawaa gidooppe, Aa baggana S’oossaa hank’k’uwaappe attana. 10 Ayaw gooppe, nuuni S’oossaanna kase morkke; shin Aa Na’aa hayk’uwaan aanana sigetteeddo. Hewaappe aatsiide, ha"i nuuni S’oossaanna sigetteeddawaappe guyyiyaan, I pas’a gidiyaa diraw nuuna ashshana.