Zakkaraasa 9

Masihiyaa Yuussaanne S’oossaa Kawutetsay Bessiyaawaadan Eretussaa

1 Hadiraaka giyaa biittaynne Damask’k’o katamay murettanawaa S’oossay odeedda pirddaa k’aalay hawaa.✝9:1 Isa. 17:1-3; Erm. 49:23-27; Amo. 1:3-5✝9:1-4 Isa. 23:1-18; Hiz. 26:1—28:26; Iyu. 3:4-8; Amo. 1:9-10; Mat. 11:21-22; Luk'. 10:13-14 Sooriyaa waanna katamay Damask’k’uukka Med’inaa Godaassa gidiyaa diraw, Israa’eeliyaa zaratuwaa s’alalaa gidennaan asaa ubbaa ayfii pude Med’inaa Godaakko s’eellee. 2 K’ay he pirdday Hadiraakana zawatiyaa Hamaata katamaa bollakka gakkana; unttunttu aad’d’eeda eranchcha gidooppenne, S’iiroosanne Sidoona katamatuwaakka ha pirdday gakkana. 3 S’iiroosa katamay daro mino geessuwaa gimbbeedda. K’ay biraa biittaadan dooreedda; work’k’aakka ogiyaa urk’k’aadan guuppeedda. 4 Shin iza shiishsheeddawaa ubbaa Goday wurssi akkana; izi abbaa wolk’k’aa d’ayssana; katamaykka taman meetettana.

5 Ask’k’aloona katamay hewaa be’iide yayana; Gaaza katamaykka be’iide un"etsana; k’ay Ek’iroona katamaykka hidoota d’ayana. Gaaza bare kaatiyaa d’ayana; Ask’k’aloona katamaykka mela gidanawaa.✝9:5-7 Isa. 14:29-31; Erm. 47:1-7; Hiz. 25:15-17; Iyu. 3:4-8; Amo. 1:6-8; Sof. 2:4-7 6 Ashddooda kataman walaka Asay de’ana.

Taani, «Piliss’s’eematuwaa otoruwaakka d’ayssana. 7 Taani suutsaa unttunttu doonaappe, diggetteedda k’umaa unttunttu achchaappe diggana. Unttunttuppe atteedawaanttu nu S’oossaa asaa gidana. K’ay Yihudaa yara mala gidana. Ek’iroona Asay Yaabuusa asaadan, ta asaa gidana. 8 Hewaappe guyyiyaan, olanchchatuu kantsennaadan, taani ta gadiyaa naagana. Taani ta huup’iyaan naagiyaa diraw, laa"entso ooninne ta asaa uk’k’unnenna» yaagee.

Yiyaa Kaatiyaa

9 Neenoo S’iyoone katamateenne Yerusaalame katamatee, ilila!✝9:9 Mat. 21:5; Yoh. 12:15 Be’a, s’ooneedda ne s’illo kaatii neekko yee. Ne kaatii ashkke gidiide, hariyaa bolla, hariyaa maraa bolla uttiide, neekko yee.

10 Taani, «paraa gaaretuwaa Israa’eeliyaappe, olaa paratuwaakka Yerusaalameppe d’ayissana; olaa wonddaafiikka me"erettana. K’ay ne kaatii kawutetsatoo saruwaa awaayana; I ha abbaa gas’aappe hini abbaa gas’aa gakkanawunne Efiraas’iisa Shaafaappe sa’aa gas’aa gakkanaw mooddana yaagee.✝9:10 Maz. 72:8

S’oossay Bare Asaa Ashshana

11 «Neena gidooppe, k’ay taani neenana c’aak’k’eteedda c’aak’uwaa suutsaa diraw, ne asatuwaa unttunttu k’ashetteedda haatsay bayinna ollaappe taani kessaade yeddana.✝9:11 Kes. 24:8 12 Hinttenoo hidootan de’iyaa k’ashetto asatoo, hintte geessuwaakko simmite; kasewaa diraw dakkuwaa ak’uwaa hinttenttoo immanawaa hachchi taani hinttenttoo awaayay. 13 Ayaw gooppe, taani Yihudaa wonddaafiyaadan, Israa’eeliyaakka wonddaafiyaa pootsaadan go’ettana. S’iyoonee, taani ne naanatuwaa Giriike gadiyaa naanatu bolla dentsana; neenakka wolk’k’aama olanchchaa mashshaa mala ootsana» yaagee.

14 He wode Med’inaa Goday unttunttu bolla k’onc’c’ana; Aa wonddaafiikka walk’k’antsaadan walk’k’ammana. Ubbaa Maariyaa Med’inaa Goday malakataa punnana; gedissa bagga gotii aad’d’iyaawaadankka aad’d’ana. 15 Ubbaappe Wolk’k’aama Med’inaa Goday unttuntta naagana. Unttunttukka barenttu morkkatuwaa wurssana; yambbarshshan oliyaawanttakka yed’d’ana. Unttunttu barenttu morkkatuwaa suutsaa woyniyaa eessaadan ushana; suutsay keriyaan kumiyaawaadan kumana; k’ay yarshshiyaa sa’an gukkiyaawaadan gukkana.

16 He gallassi Med’inaa Goday unttunttu S’oossay unttuntta ashshana; ayaw gooppe, unttunttu Aa asaa wudetuwaa. Kallachchaa bolla de’iyaa alleek’k’uwaadan, S’oossaa gadiyaa bollan unttunttu p’oolana. 17 Unttunttu waaniide lo"anne malaa puula gidanddinooshsha! Wodalla naanatuwaa katsay, wodoro naanatuwaakka woyniyaa eessay aac’issana.