Atos 3

लेंगड़ा भिखारी क आरगाय

1 पतरस आरू यहुन्ना तीसरे पहर पर विनता क टेहाव मा मंदिर मा जाय रया हुता। 2 आरू लोगहन एक पैदा वार सी लेंगड़ा भिखारी क लाई रया हुता, जिनाक त्या दाहड़ीन मंदिरन एक झोपला पर जो सुन्दर नाव ना कहवायतो होतो, बठाड़ देता हुता, कि चो मंदिर मा जाने वाळा सी भीख मांगे। 3 जव त्यो पतरस आरू यहुन्ना क मंदिर मा जातला देखियो, ती ओका सी भीख मांगीयो। 4 पतरस यहुन्ना साते उका भेणी धियान सी भाळीयो आरू कयो, "हामरे भुणी भाळ!" 5 आरू त्यो हेका सी काहय मांगनेन आस सी हेनुक देखने लागियो। 6 तव पतरस कयो, "सोनो आरू चाँदी ते मारे पास नी होय; पर जो मार पास सी, त्यो हाव तुखे आपो; ईशु मसीह नासरी न नाव सी चाल पछु।" 7 आरू ओको उका जेवड़ा हात धरिन उको उठाड़ियो; आरू तत्यार मा ओको पायो मा आरू घुटना मा ताकत आय गय। 8 आरू चो उछळीन उबो हय गयो, आरू चालने पुगनेन लागियो; आरू चालतो, आरू कुदतो जाईन आरू यहोवा–भगवानन बढ़ाई करतो जाईन ओको साते मंदिर मा गयो। 9 आखा लोगहन हेको चालतो पुगतो जाईन यहोवा–भगवानन गुण गान करतो देखीन, 10 हेको उळखी लेदा की यो चो सी जो मंदिरन सुन्दर नावन झपला पर बठीन भीख मांगीया करतो होतो; आरू तीनी घटना सी जो हेको सात हय चे घना घाबराय गया।