उत्पत्ति 36

एसाव क ओवलियाद

1 एसाव जु एदोम वी कोवाये ओकी यि ओवलियाद छे। 2 एसाव न ते कनानी पुराय सी इयाव कोर्यु; यानी हित्ती एलोन क पुराय आदा क, आरु ओहोलीबामा क जी अना की पुराय, आरु हिव्वी सिबोन क नातिन होती। 3 ओळतेन हुयो इश्माएल क पुराय बाशमत क वी, जी नबायोत क बोहनीस हुती, इयाव कोर्‌यो। 4 आदा न ते एसाव क द्‍वारा एलीपज क, आरु बासमत न रुएल क जोन्म देदी। 5 आरु ओहोलीबामा न युश, आरु यालाम, आरु कोरह क पयदा कोर्‌यो, एसाव क येत पुर्या कनान देश मा पोयदा होयला। 6 एसाव आपसी घोरवाळी, आरु पुर्या पुरायटा, आरु घर क आखा जीवो, आरु आपसा गाडरा बुकड़ा, आरु गाय बुईल आदि आखा ढुरो, निदान आपसी आखी जायदाद क, जे हेना कनान देश मा एकठो कोरला हुता, लीन आपसा भाई याकुब क पास सी दिसरा देश क चाली गोयो। 7 काहकी हेन्दरी जायदाद ओतरी होय गोयली, कि हुये एकठा नी रोय सोक्या; आरु ढुरो क घोना सोटा होयने क कारण हेना देश मा, जाँ हुये पारका होईन रोहता हुता, हुये सोमाय नी सोक्या। 8 एसाव जु एदोम वी कोवाये, सेईर नावोन बोयड़ा देश मा रोहने लाग्या।

9 सेईर नावोन बोयड़ा देश मा रोहनेवाळा एदोमियो क मुल मानुस एसाव क ओवलियाद यी छे 10 एसाव क पुर्या क नाव ये छे; यानी एसाव क घोरवाळी आदा क पुर्य एलीपज, आरु हेरीत एसाव क घोरवाळी बासमत क पुर्य रुएल। 11 आरु एलीपज क ये पुर्य हुया; यानी तेमान, ओमार, सपो, गाताम, आरु कनज। 12 एसाव क पुर्य एलीपज क तिम्ना एक रखेल होती, जिनासी एलीपज क द्वारा अमालेक क जन्म देदी; एसाव क घोरवाळी आदा क ओवलियाद मा येत हुया। 13 रुएल क ये पुर्या हुया; यानी नहत, जेरह, शम्मा, आरु मिज्जा एसाव क घोरवाळी बासमत क ओवलियाद मा येत छे। 14 ओहोलीबामा जी एसाव क घोरवाळी, आरु सिबोन क नातिन आरु अना क पुराय हुती, ओका ये पुर्या हुया: यानी हुयो एसाव क द्वारा युश यालाम आरु कोरह क जन्म देदी।

15 एसाव ओवलियाद क अधिपति ये हुया: यानी एसाव क मोटलो एलीपज क ओवलियाद मा सी ते तेमान अधिपती, ओमार अधिपति, सपो अधिपति, कनज अधिपति, 16 कोरह अधिपति, गाताम अधिपति, अमालेक अधिपति एलीपज ओवलियाद मा सी एदोम देश मा येत अधिपति हुया: आरु येत आदा क ओवलियाद मा हुया।

17 एसाव क पुर्य रुएल क ओवलियाद मा येत हुया; यानी नहत अधिपति, जेरह अधिपति, शम्मा अधिपति, मिज्जा अधिपति रुएल ओवलियाद मा सी, एदोम देश मा येत अधिपति होया; आरु येत एसाव क घोरवाळी बासमत क ओवलियाद मा होया।

18 एसाव क घोरवाळी ओहोलीबामा क ओवलियाद मा येत हुया; यानी युश अधिपति, यालाम अधिपति, कोरह अधिपति, अना क पुराय ओहोलीबामा जी एसाव क घोरवाळी हुती ओकी ओवलियाद मा येत हुया। 19 एसाव जु एदोम वी कोहाये, ओका ओवलियाद येत छे, आरु हेन्दरा अधिपति वी येत हुया।

सेईर क ओवलियाद

20 सेईर ज होरी नावोन जाती क हुतो, ओको यो पुर्य हेना देश मा पेहले सी रोहता हुता; यानी लोतान, शोबाल, सिबोन, अना, 21 दीशोन, एसेर, आरु दीशान: एदोम देश मा सेईर क येत होरी जातीवाळा अधिपति हुया। 22 लोतानन पुर्यो, होरी आरु हेमाम होया; आरु लोतानोन बोहनीस तिम्ना होती। 23 शोबाल क ये पुर्या हुया: यानी आल्वा, मानहत, एबाल, शपो, आरु ओनाम। 24 आरु सीदोन क ये पुया हुया: अय्या, आरु अना; ये चेत अना छे जेको जोंगोल मा आपसा बाबा सिबोन क गदड़ा क चारता चारता तातला पानी क झोरना मा मेवलो। 25 आरु अना क दीशोन नावोन पुर्या हुया, आरु हेना अना क ओहोलीबामा नावोन पुराय होयी। 26 दीशोन क ये पुर्या हुया: हेमदान, एशबान, यित्रान, आरु करान। 27 एसेर क ये पुर्या हुया: बिल्हान, जावान, आरु अकान। 28 दीशान क ये पुर्या हुया: ऊस, आरु अरान। 29 होरीयो क अधिपति, ये हुया: लोतान अधिपति, शोबाल अधिपति, सिबोन अधिपति, अना अधिपति, 30 दीशोन अधिपति, एसेर अधिपति, दीशान अधिपति, सेईर देश मा होरी जातिवाळा येत अधिपति हुया।

एदोम क राजा

31 ओळतेन जोत्यार इसराएली पोर कोय राजा न राजा न कोर्या हुता, ती वी एदोम क देश मा ये राजा हुया 32 बोर क पुर्या बेला न एदोम मा राज कोर्या, आरु ओकी देश क नाव दिन्हाबा छे। 33 बेला क मोरने पोर, बोसरानिवासी जेरह क पुर्या योबाब ओका जागा पोर राजा हुयो। 34 योबाब क मोरने पोर, तेमानिया क देश क रोहन्या हुशाम हेना जागा पोर राजा होयु। 35 ओळतेन हुशाम क मोरने पोर, बदद क पुर्या हदद हेना जागा पोर राजा हुया यो चोत छे जेना मिद्यानियो क मोआब क देश मा मार लेदो, आरु ओकी राजधानी क नाव अबीत छे। 36 हदद क मोरने पोर, मस्रेकावासी सम्ला हेना जागा पोर राजा हुयु। 37 ओळतेन सम्ला क मोरने पोर, शाऊल जु महानद क तटवाळा रहोबोत नगर क हुतो, हेना जागा पोर राजा हुयो। 38 शाऊल क मोरने पोर, अकबोर क पुर्य बाल्हानान हेना जाग पोर राजा हुयु। 39 अकबोर क पुर्य बाल्हानान क मोरने पोर, हदर हेना जागा पोर राजा हुयु आरु हेनी राजधानी क नाव पाऊ छे; आरु ओकी घोरवाळी क नाव महेतबेल छे, जु मेजाहाब क नातीन आरु मत्रेद क पुराय हुती। 40 ओळतेन एसाव ओवलियाद क अधिपतियो क कुलों, आरु जागा क ओनसारे ओको नाव यो छे तिम्ना अधिपति, अल्वा अधिपति, यतेत अधिपति, 41 ओहोलीबामा अधिपति, एला अधिपति, पीनोन अधिपति, 42 कनज अधिपति, तेमान अधिपति, मिबसार अधिपति, 43 मग्दीएल अधिपति, ईराम अधिपति एदोम ओवलियादियो न जु देश आपसु कोर लेदु होतु, ओको निवास जाग मा हेन्दरा येत अधिपति हुया; आरु एदोमी जाती क डाहलु मानुस एसाव छे।