यहुन्ना 1

45 फिलिप्पुस नतनएल काजे मिव्यु आरू उका कयो, "जेरो वर्णन मूसा व्यवस्था मा आरू भविष्यवक्ता नु कर्‍या छे, त्यो हामुक मिव गयु; त्यो यूसुफन पोर्‍य, ईशु नासरत छे" 46 नतनएल ओको कयो, "काय कोय वारली चीज भी नासरत रईन निकवी सकती छे?" फिलिप्पुस ओका सी कयो, "चालीन देख लेवु।" 47 ईशु नतनएल मा आपसी भुनी आवतु देखीन तीनाक विषय मा कयो, "देखु, यु सच्त्यो इस्त्राएली छे: इनाम कपट नी।" 48 नतनएल ओको कयो, "तु मखे कोसु जानतु छे?" ईशु तीनाक जवाब देदु, "ओको रईन पेहल कि फिलिप्पुस तुखे बुलायु, जव तु अंजीरन झाड़कान तवे बठलु हतु, तव हाव तुखे देख्यु हतु।" 49 नतनएल तीनाक जवाब देदु, "हे गुरू, तु यहोवा–भगवानन पोर्‍य छे; तु इस्त्राएलन राजु छे।" 50 ईशु तीनाक जवाब देदु, "हाव जो तुखे कयो कि हाव तुखे अंजीरन झाड़कान तवे देख्यु, काय तु एरेन करता मार पर विश्वास करे? तु इनाक रईन भी मोटा–मोटा काम देखसे।" 51 पछु तीनाक कयो, "हाव तुमूक सच कयतु छे कि तुमू सोरगदूत काजे खुल्लो हुयो, आरू यहोवा–भगवानन सोरगदूत काजे मानसन पोर्‍या क उपर उतरता आरू ऊपर जातु देख्यु हतु।"