Lucas 1

जकर्‍याह क बढ़ाई–गान

67 ओका बास जकर्‍याह चुखलो आत्मा छे भरायला होय गया, आरू भविष्यव्दाणी करने लाग्या:

68 पोरबु इस्राएल क यहोवा–भगवान धन्य होय,

काहकि त्यो आपने मानसे पर दूष्टि करी आरू ओको छुटकारो छे,

69 आरू आपने सेवक दाऊद क घराना मा

हामरे करता एक उध्दार क सींग निकाव्या,

70 जोसो त्यो आपने चुखलो भविष्यवक्ता क द्वारा

जो जग क शुरू छे हुता आश छे कयो हुता,

71 मतलब आमरो दुस्मन छे,

आरू हामरा सब दुस्मन क हात छे आमरो उध्दार कर्‍यो छे,

72 कि हामरा बाबदादा पर दया करीन आपसी

चुखलो वाचा क स्मरण कर्‍यो,

73 आरू वो शपथ जो त्यो

हामरा बास अब्राहम छे खाय होती,

74 कि वो हामु यो देसे

कि हामु आपने दुस्मन क हात छे छुड़ीन,

75 ओका सामने चुखला आरू न्यायपन छे

जीवन भर निडर रहकर ओकी सेवा करता रया।

76 आरू तु हे पोर्‍या परमप्रधान क भविष्यवक्ता कवायसे,

काहकि तु पोरबु क मार्ग तीयार करने क करता ओका ओगव–ओगव चालसे,

77 कि ओका मानसे क उध्दार क न्याय देय,

जो ओको पाप की माफ छे हासिल हुयसे छे।

78 यो हामरा यहोवा–भगवान की तीनी मोटी दया छे होयछे;

ओका कारण उपर छे हामु पर भोर क प्रकाश उग होयछे,

79 कि आंधारो मरन की सावला मा बोटनेवावा क ज्योति देय,

"आरू हामरे पाय क कुशल क मार्ग मा सीधा चालाड़से।"