1 De Jeist oba sajcht dietlich, daut en de latste Tieden woaren eenje von däm Gloowen aufträden, endäm see de vefierarische Jeista un Lieren von de Diewels aunhenjen, Mat 14:24; 2Tess 2:3; 2Tim 3:1; 2Pe 3:3; 1Joh 2:8; Jud 1:18 2 derch dee, dee en Heichlarie Läajes räden un een Brenntieekjen en äa Jewessen haben, 3 vebeeden to befrieen un jebeeden, sikj von Äten to enthoolen, daut Gott erschaufen haft to nämen met Danksajunk fa de Jleewende un fa dee, waut de Woarheit erkjanen. 1Mo 9:3; 1Kor 10:30-31; Kol 2:23 4 Wiels aule Kjreatua von Gott es goot un nuscht toom veschmieten, waut met Danksajunk jenomen woat; 1Mo 1:31; Mat 5:11; Apj 10:15 5 wiels daut woat jeheilicht derch Gott sien Wuat un Jebäd.

6 Wan du de Breeda soont väahelst, woascht du Jesus Christus sien gooda Deena sennen, oppjetrocken en de Wieed von däm Gloowen un de goode Lia, woone du jeneiw nojegonen best. 2Tim 2:15 7 Oba de onjeistliche* Ooltwiewa-Foblen doo wajch von die; eew die selfst oba en de Jettlichkjeit. 1Tim 6:20; 2Tim 2:16,23; 4:4; Tit 1:14; 3:9 8 Wiels de kjarpaliche Eewunk es weinich toom Nutzen; oba de Jettlichkjeit es bie aules nutzboa un haft de Veheetunk fa dit un daut tookjinftje Läwen. 1Tim 6:6 9 Dit es eene woare Saj un gaunz wieet aun to nämen. 10 Wiels doahan oabeid wie uk un woaren vespott, daut wie opp dän läwendjen Gott hopen, wäa de Heilant es fa aule Menschen, besondasch fa de Jleewende. 11 Dit befäl un lia.

12 Lot Kjeenem diene Jugent ve-achten; oba sie een Väabilt von* de Jleewende em Wuat, em Waundel, en de Leew, em Jeist, em Gloowen, en de Reinheit. 2Tim 2:22; Tit 2:15 13 Hool aun met Läsen, met Ermonen, met Lieren, bat ekj kom. 14 Lot nich ut de Acht de Gow en die, waut die derch de Profezeiunk jejäft es met Henj-Opplajen von de Eltestaschoft. Apj 6:6; 8:17; 1Tim 1:18; 5:22; 2Tim 1:6 15 Denkj dise Dinja no, go doamet om, om daut dien Toonämen ver aulem openboa woat. 16 Hab acht opp die selfst un opp de Lia; hool aun en dise. Wiels wan du soont deist, woascht du die selfst raden un dee, waut die hieren. Ree 11:14