3 Iea de Wätfrues, woone rajchte Wätfrues sent. 4 Wan oba eene Wätfru Kjinja ooda Grootkjinja haft, lot soone ieescht lieren, aun äa ieejnet Hus Fromheit to bewiesen un de Elren Äwareenet to vejelten; wiels daut es goot un aunjenäm ver Gott. 5 Daut es oba eene rajchte Wätfru, dee eensom es, dee opp Gott hopt un blift em Bedden un Jebäda Dach un Nacht. 6 Woone oba vollbrestich5:6 vollbrestich: met volle Brost; huachhäa un schomploos läwen. läft, es läwendich doot. 7 Soont befäl, om daut see onstrofboa sent. 8 Wan oba jeemaunt de Sienje, besondasch dee en sien ieejnet Hus, nich vesorcht, dee haft dän Gloowen veloagen un es oaja aus een Onjleewenda.
9 Lot kjeene Wätfru enjeschräwen woaren unja zastich Joa, un dee doa een Maun siene Fru jewast es, 10 dee een Zeichnis von goode Woakjen haft, wan see Kjinja oppjebrocht haft, wan see gaustfrie jewast es, wan see de Heilje äare Feet jewoschen haft, wan see de unjajedrekjte Hauntrieekjunk jejäft haft, wan see jieda goodet Woakj nojekomen es. 11 De jinjre Wätfrues oba nemm nich aun; wiels wan see lostich jeworden sent jäajen Christus, wellen see frieen 12 un haben äa Uadeel, wiels see dän ieeschten Gloowen veschmäten haben. 13 Biesied daut sent see ful un lieren romranen derch de Hiesa; nich auleen sent see ful, oba uk Schwauza5:13 Ooda: Pludra. un schneppanäsich un räden, waut sikj nich jeziemt. 14 Soo well ekj nu, daut de jinjre Wätfrues frieen, Kjinja haben, hushoolen, däm Jäajna kjeene Uasoak jäwen to schellen. 15 Wiels doa sent aul eenje omjedreit däm Soton no.
16 Wan oba een Jleewenda ooda eene Jleewende Wätfrues haft, dee vesorj äant un lot de Jemeent nich schwoa jemoakt woaren, om daut dee kaun Hauntrieekjunk doonen to dee, waut rajchte Wätfrues sent.