Droacht eena däm aundren siene Laust
1 Breeda, wan uk een Mensch en eenem Fäla äwanomen wudd woaren, dan halpt jie, dee jie jeistlich sent, soo eenem trajcht en eenem Jeist von Saunftmoot, un kjikj doabie opp die selfst, daut du nich uk vesocht woascht. 2 Droacht eena dän aundren siene Lausten, un soo woa jie Christus sien Jesaz erfellen. 3 Wiels, wan irjentwäa jleeft, waut to sennen, wäarent hee nuscht es, dee schmäat sikj selfst aun. 4 Een jiedra oba lot sien ieejnet Woakj priefen, un dan woat hee en sikj selfst Low haben un nich en eenem aundren. 5 Wiels een jiedra woat siene ieejne Laust droagen.