9 येशू यी बात बट्वाके सेक्लाँ ते, ओइने हेर्ती-हेर्ती परमेश्वर येशूहे स्वर्गमे उठालेलिन। और बद्रिक कारण तबसे ओइने येशूहे देखे नै सेक्लाँ। 10 और हुँकार जैती रहल समयमे जब ओइने आकाश ओहोँर हेरतिहिँत, तब् एकफाले उज्जर लुग्गा घालल दुईथो स्वर्गदूत ओइन्के लग्गे ठरह्यागिलिन। 11 और ओइने कहे लग्लाँ, "हे गालील प्रदेशके मनै, तुहुरे काकरे ठरह्याके आकाश ओहोँर हेरतो? यहे येशू, जिहिहे परमेश्वर तुहुरिन्के थेनसे स्वर्गमे लैगिल बताँ, ऊ ठिक अस्तेहेँके फेनदोस्रे अइहीँ, जसिके तुहुरे हुँकिन्हे स्वर्गमे जाइत देख्लो।"