पावल कोरिन्थ शहरमे
1 ओकरपाछे पावल एथेन्स शहरमेसे विदा होके कोरिन्थ शहरमे गैल। 2 ऊ पोन्टस प्रदेशके वासिन्दा अकिलास नाउँ रहल एकथो यहूदिहे भेटाइल। ऊ अपन जन्नी प्रिस्किलक संग इटालिया प्रदेशसे भर्खर आइल रहे। काकरेकी महाराजा क्लौडियस सक्कु यहूदिनहे18:2 यहूदिनहे रोमी साम्राज्यक राजधानी रोम रहे जोन इटालिया प्रदेशमे परे। महाराजा क्लौडियस यहूदिनहे लगभग ई. स. ४९ मे धार्मिक हुलदङ्गक कारण रोम शहरमेसे बाहेर निकरना आदेश देले रहे। रोममेसे निकरके जैना आज्ञा देलक कारण ओइने कोरिन्थ शहरमे आइल रहिँत। पावल ओइन्हे वहाँ भेँटा करे गैल। 3 पावल और अकिलासके एक्के काम हुइलक ओहोँरसे ऊ फेन ओइनेहेँन्के संग बैठल, और काम करल। काकरेकी ओइन्के काम क्रिपाल बनैना रहिन।
4 हरेक बिँसैना दिनमे पावल बैठक भवनमे बहस करे, और यहूदी और ग्रीकहुँक्रिहिनहे सम्झाके येशू ख्रीष्टमे विश्वास करैना कोशिस करे। 5 जब सिलास और तिमोथी माकेडोनिया प्रदेशमे आपुग्लाँ, तब पावल क्रिपाल बनैना18:5 क्रिपाल बनैना काकरेकी पावलके लग सिलास और तिमोथी माकेदोनिया प्रदेशमेसे कुछ पैँसा नानदेले रहिँत। छोरके वचन प्रचार करनामे व्यस्त होगिल। और यहूदिनहे येशूए ख्रीष्ट हुइताँ कना शिक्षा देहे लागल। 6 पर जब यहूदिनके विरोध करके पावलके निन्दा करे लग्लाँ। तब् ऊ अपन लुग्गक धुर झराके ओइन्हे कहल, "परमेश्वरके वचन अस्वीकार कर्लक कारण तुहुरिन्के खुनके दण्ड तुहुरिनेके जिम्मामे बा, मै निर्दोष बतुँ। आबसे मै गैर-यहूदिनके थेन जैम, और परमेश्वरके वचन प्रचार करम।"
7 तब् ऊ वहाँसे परमेश्वरके भक्ति करुइया गैर-यहूदी तीतस युस्तस नाउँ रहल मनैयक घरेम गैर-यहूदिनहे सिखाई गैल। ओकर घर यहूदी बैठक भवनके लग्गेहेँ रहिस्।
8 यहूदी बैठक भवनके शासक क्रिस्पसके पूरा परिवार प्रभुमे विश्वास करलाँ। और कोरिन्थ शहरमे रहुइया मनैनमेसे फेन बहुत्ते जाने पावलके वचन सुनके विश्वास करलाँ और डुब्कि लेलाँ। 9 एक रात दर्शनमे प्रभु पावलहे कलाँ, "ना डराऊ, पर बोल्ती जाऊ, और चुप ना लागो। 10 काकरेकी मै तोहाँरिक संग बतुँ, और केऊ तुहिन्हे आक्रमण करके नोकसान पुगाई नै सेकी। काकरेकी यी शहरमे मोरमे भरोसा करुइया बहुत्ते मनै बताँ।" 11 तबेकमारे परमेश्वरके वचन सिखैती पावल एक साल छे महिनासम ओइन्के संग रहल।