12 जब गलियोन अखैया प्रदेशके शासक बनल। तब् यहूदी दलके नेतन एक्केम मिलके पावलकेमे आक्रमण करलाँ, और उहिहे अदालतमे नन्लाँ। 13 और असिक कलाँ, "यी मनैया परमेश्वरके आराधना मनैनहे असिके करे सिखाइता, जोन मोशक नियम कानुनके उल्टा बा।"
14 जब पावल बोल्ही लागल रहे, तब्बेहेँ गलियोन शासक उ यहूदी दलके नेतनहे कहल, "हे यहूदिनके, यदि जात्तिके यी कुछु अन्याय या दुष्ट अपराधके बात रहत कलेसे मै तुहुरिन्के बात सुन्ना ठिक रहे। 15 पर यदि यी बहसके शब्द, नाउँ और तुहुरिन्के अपने मोशक नियम कानुनके सवाल हुइलक ओहोँरसे तुहुरे अप्निहीँ जानो। मै असिन बातके न्याय करना अस्वीकार करतुँ।"
16 तब् गलियोन शासक ओइन्हे अदालतमेसे भगादेहल। 17 तब् ओइने सक्कु जाने यहूदी बैठक भवनके शासक सोस्थेनेसहे पकरके अदालतके आघे पिट्लाँ। पर गलियोन उ बातके कुछु वास्ता नै करल।