Atos 2

पेन्तिकोसमे पवित्र आत्मक आगमन

1 जब यहूदी मनैनके पेन्तिकोसके तिहुवारके*2:1 पेन्तिकोसके तिहुवारके पुरान करारमे पेन्तिकोसके तिहुवार कलक हप्तक तिहुवार हो, और कट्निक तिहुवारके रुपमे जानजाए। (प्रस्थान २३:१६; ३४:२२) पेन्तिकोस दिन निस्तार-तिहुवारके पचासौँ दिनमे परत। दिन अइलिन। उ सक्कु चेलनके एक्के ठाउँमे जुटल रहिँत। 2 तब् स्वर्गमेसे एकफाले भारी बयालके बौखा हस एकथो आवाज आइल। और ओइन्के बैठल पूरा कोन्तीमे फैलगिलिन। 3 तब ओइन्के आघे असिन आगीक मोँजा देखा पर्लिन, जोन मोँजक आकार जीभ हस रहिस। और उ अलग-अलग होके प्रत्येक जहनकेमे परगिलिन। 4 तब् ओइने सक्कु जाने पवित्र आत्मासे भरगिलाँ। और ओइन्हे पवित्र आत्मक देहल वरदान अनुसार ओइने मेरमेरके भाषामे बोले लग्लाँ।