14 पर पत्रुस एघारथो निउतरह्यनके संग ठरह्याके ओइन्हे जोरसे कहल, "हे यहूदिया प्रदेशके मनै और यरुशलेम शहरके मनै, तुहुरिन्हे यी बात बुझ्ना जरुरी बा। तबेकमारे तुहुरे मोरिक बातहे ध्यान देके सुनो। 15 काकरेकी तुहुरिन्के सोँचल हस यने मतवार नै हुइल हुइँत। काकरेकी अभिन बेहानिक नौ किल बजल बा। 16 पर जोन घटना हमार बिच्चेम हुइता, ओकर बारेमे परमेश्वरके अगमवक्ता योएलके माध्यमसे पवित्र शास्त्रमे लिखल बात पूरा हुइता।

17 आखिरी दिनमे असिन हुई कहिके परमेश्वर कथाँ।

‘मै सक्कु मनैनहे मोरिक आत्मा देहम।

और तुहुरिन्के छाईछावन अगमवाणी बोल्हीँ।

और तुहुरिन्के जवान मनै दर्शन देख्हीँ।

और तुहुरिन्के बुह्राइल मनै सपना देख्हीँ।