निउतरह्या 2:22-24

22 "हे इजरायलके मनै, यी बात सुनो, परमेश्वर येशूक माध्यमसे तुहुरिन्के बिच्चेम शक्तिशाली काम करके अचम्मक चिन्हा देखैलाँ। और यी बात सच्चा हो कहिके तुहुरिन्हे पतै बा। वहे चिन्हासे परमेश्वर नासरत गाउँक येशूहे अप्निहीँ पठैलाँ कहिके साबित फेन करलाँ। 23 परमेश्वरके ठहराइल लक्ष्य और पैलेहेँसे जानलेना ज्ञानके अनुसार ऊ तुहुरिन्के हाँथेम सौँपदेगिलाँ। तुहुरे अधर्मी मनैनके सहायतासे हुँकिन्हे किल्ला ठोकके क्रूसमे टँगाके मारदेलो। 24 पर तभुन फेन परमेश्वर मुअलमेसे हुँकिन्हे फेनदोस्रे जिवादेलाँ। काकरेकी येशू अपनहे मृत्युक अधिनमे धर्ले पलिरना सम्भव नै रहे।