एफिसी 1

13 तुहुरिन्के संग फेन यहे हुइल बा। तुहुरे सच्चा सन्देश सुनल बतो, जोन सन्देश बताइत कि परमेश्वर तुहुरिन्हे कसिके बँचैथाँ। जब तुहुरे ख्रीष्टहे विश्वास कर्लो, तब परमेश्वर अपन वाचा कर्लक पवित्र आत्मा तुहुरिन्हे देलाँ, यी देखाइक लग कि तुहुरे परमेश्वरके हुइतो। 14 काकरेकी परमेश्वर हम्रिहिन्हे पवित्र आत्मा देले बताँ। हम्रे यी बातसे पक्का हुई सेक्थी कि परमेश्वर जोन दोसुर मजा-मजा चिज देना वाचा हम्रिहिन्से कर्ले बताँ, उ चिज हम्रिहिन्हे दिहीँ। यी तब हुई जब परमेश्वर हम्रिहिन्हे पूरा रुपमे मुक्ति दिहीँ, जे-जे हुँकार सन्तान हुइती। ताकि हम्रे परमेश्वरहे प्रशंसा भेटैना कारण बने सेकी।