पावलके बन्धनसे खुशीक खबरके विस्तार
12 हे मोरिक विश्वासी भैयो, मै चहथुँ कि तुहुरे यी जानलेऊ कि मोरिक संग ज्या हुइल बा उहिसे खुशीक खबरहे फैलैनामे बहुत सहयोग मिलल बा। 13 यहाँसम कि महाराजक महलके सारा पल्टन और बाँकी रहल सक्कु मनैनके बिच्चेम यी पता चलगिलिन कि ख्रीष्टके सेबक हुइलक कारण मै झेलमे बतुँ। 14 और मै झेलमे हुइलक कारण प्रभुमे बहुत्ते विश्वासी संघरियनहे अतरा हिम्मत आगिल बतिन कि ओइने बिना डरैले परमेश्वरके वचन बोले सेक्थाँ। 20 मोरिक मनके इच्छा और आशा यी हो कि मोरिक लाज ना होए। बेन मोरिकमे ख्रीष्टके बारेमे बोल्ना हिम्मत होए, जसिके मै बितल समयमे करल रहुँ। चाहे मै जित्ती रहुँ चाहे मै मुजाऊँ, मै अपन पूरा जीवनसे ख्रीष्टके आदर कर्ती रबुँ। 21 काकरेकी यदि मै जित्ती रहम कलेसे यी ख्रीष्टके लग हुई। और जब मै मुजिम कलेसे यी मोरिक लग आकुर फेन मजा हुई। काकरेकी तब मै ख्रीष्टके संग रहम।